–Nuk ka ndonjë peshë që mund të hedhe ndonjë thikë, kështu tha mes tjerash deputeti Skender Rexhepi-Zjedi për zv/ministrin e Kulturës, Daim Luçi, për të cilin tha se pa asnjë arsyetim ka nisur të largohet nga ai. Rexhepi thotë se me propozimin personal të tij, Luçi është bërë zv/ministër, gjithashtu me propozimin e tij ka mbetur në atë post, edhe pas daljes së Alternativës nga Qeveria.
“Kam qenë pjesë e jetës së atij prej shkollës së mesme, në të gjitha mundësitë si një vëlla më i madh, i kam qëndruar afër. Në kohën e fundit e kam parë se fare, pa asnjë komunikim, është larguar, dmth duhet ta pyesni seriozisht atë, sepse asnjë vërejtje nuk e kam pasur unë ndaj atij, duhet ta pyesni atë se çfarë ka, edhe pe vërejtja ime ka qenë shumë serioze, sepse nuk erdhi në tubimin e llogaridhënies, sepse ishte jokorrekte, pavarësisht arsyetimeve çfarë janë, ai la një gjurmë te shumë njerëz, përfshi edhe te unë, me një njeri që e ke mbajtur afër gjithmonë dhe nuk të vjen aty kur është çështja më e rëndësishme”, tha Zejdi.
Rexhepi ka potencuar se në cilin tabor është aktualisht Luçi, tha se ai është atje ku ndoshta është dashur të jetë.
“Ndoshta e kam ndonjëherë bindjen që tash është atje ku është dashur të jetë shumë më herët, por megjithatë afërsia emotive e ka bërë të veten”, pohoi Zjedi.