Pothuajse 500 zjarrfikës u munduan që ta lokalizojnë zjarrin e madh në pyje që ishte rrezik për periferitë e Athinës, pasi qindra banorë u evakuuan gjatë natës.
“Policia dhe autoritetet e tjera na thanë që të largohemi, por është shumë e vështirë që ta braktisësh shtëpinë e vet. Zakonisht, edhe pse nuk duhet, mbeteni.”
Të paktën dy persona janë hospitalizuar në kryeqytetin e Greqisë për shkak të problemeve me sistemin e frymëmarrjes dhe djegieve, ndërsa autoritetet lokale njoftuan se disa shtëpi u dogjën në zjarrin që e kaploi malin Penteli, 25 km në verilindje të Athinës.
“Po, isha këtu. E pashë zjarrin në draprin e malit, në anën tjetër të rrugës. Pritëm që të shohim në cilin drejtim do të lëvizë. Në shtëpi ishim deri në orën 3 të mëngjesit. Kur pamë se po afrohet poshtë shkuam për në Drafi, ishim të detyruar që të largohemi. I lamë pronat tona, shtëpitë tona, siç mundeni të shihni… nga një shkëndijë që hyri në hapësirën e depos …sepse temperaturat ishin tepër të larta, dritaret u thyen, ndërsa gjysma e shtëpisë u shkatërrua.”
Zëdhënësi i shërbimit të zjarrfikësve, Janis Artopios tha se zjarri është vënë nën kontroll.
Greqia e shmangu valën e të nxehtit që i kaploi vendet e Evropës perëndimore, por zjarrfikësit thonë se moti i thatë dhe i nxehtë që zgjat me javë të tëra, dhe rritja e vazhdueshme e temperaturave e rritën rrezikun për zjarret në pyje.
Vitin e kaluar Mbi 1300 metra katrore tokë u shkatërrua nga zjarret në pyje në Greqi, që është dëmi më i madh pas vitit 2007.