Edhe partneri i koalicionit të Aleancës për Shqiptarët, Alternativa mendon se posti i Avokatit të Popullit i takon opozitës shqiptare dhe jo Naser Zyberit, i cili ishte kandidat për kryeministër i propozuar nga BDI.
“Po, po gjithsesi. Ashtu ka qenë një lloj tradite e pashkruar, por megjithatë mendoj se ashtu do të jetë”, deklaroi Rexhepi – Zejdi.
Nga Bashkimi Demokratik për Integrim as sot nuk i konfirmojnë e as nuk i demantojnë informacionet se Zyberi do të zëvendësojë Ixhet Memetin pasi t’i skadojë mandati i Avokatit të Popullit në dhjetor.
“Mund t’i konfirmoni këto zëra?
“Jo, nuk mund t’i konfirmoj”, deklaroi Grubi.
Ligji parasheh që Avokati i Popullit të zgjedhjet me shumicë prej badenteri që parasheh shumicën e votave të deputetëve nga shumica, dhe shumicën e votave të deputetëve nga komunitetet më të vogla.
E nga ana tjetër votimi prej badenterit kërkohet të shqyrtohet nga deputeti Pavle Trajanov nga Lidhja Demokratike, pjesë e shumicës parlamentare.
“Duhet të shqyrtohet edhe forma për votimin e badenterit e cili në disa segmente është parë si fren për funksionim të shtetit të së drejtës, si për shembull gjatë zgjedhjet së Prokurorit Publik”, deklaroi Trajanov.Ndërkaq nga partneri i koalicionit Lëvizja BESA dje nuk kishin koment çështjen e Avokatit të Popullit.