Po përgatiteshin për të mirëpritur kryeministrin e Kosovës Avdullah Hoti.
Zaev e Hoti për shkak të pandemisë me koronavirus u përshëndetën vetëm me dorën vendosur në zemër.
Ndërkohë që kryeministri Hoti për herë të parë po realizon vizitë zyrtarë në Maqedoninë e Veriut.
Pas Zaevit, Hoti u përshëndet edhe me zv/kryeministrin Artan Grubi, ministrin për Punë të Jashtme Buajr Osmani dhe me ministrat e tjerë të kabinetit qeveritar.
Në takimin Hoti e Zaev theks të veçantë iu vendos autostradës Shkup-Bllacë. Zaev tha se kjo autostradë ka kuptim strategjik për të dy vendet dhe për rajonin dhe pritet që të ndërtohet brenda dy viteve e gjysmë edhe pse sipas dokumentacionit projektues të Bankës Evropiane është parashikuar aktivitetet ndërtimore të zgjasin tre deri në katër vjet.
-Autostrada Shkup-Bllacë aq sa ëshët e rëndësishme për Kosovën, njësoj është edhe për Maqedoninë, sepse udhëtimi për në Prishtinë do të zgjasë 40 deri 45 minuta. Për pjesën e parë prej dy kilometrash ka përfunduar tenderi, fitoi Granit. Pjesa e dytë është në fazën e përfundimit të shpronësimit. Nëse i kryejmë në këto punë deri në fund të vitit, në fillim të vitit të ardhshëm, ose në tremujorin e parë të vitit 2021 do të fillojmë me realizimin e plotë të autostradës,- theksoi, Zoran Zaev, kryeminsitër i Maqedonisë
E homologu Avdullah Hoti u shpreh i kënaqur që Maqedonia ka avancuar sa i përket ndërtimit të autostradës.
-Më vjen mirë që dëgjoj se keni avancuar në procedurat sa i përket ndërtimit të autostradës nga Shkupi deri në kufi. Ne e kemi përfunduar pjesën tonë dhe besoj se duke avancuar edhe më ndërtimin e pikës së përbashkët të kalimit kufitar ne e lidhin Prishtinë me Shkupin në më pak se një orë,- deklaroi Avdullah Hoti, kryeminsitër i Kosovës.
Ndërkohë kryeministri i Kosovës, Avdullah Hoti, nuk ka saktësuar nëse do të vendosen PCR teste për qytetarët e Maqedonisë pas rritjes së numrit të të infektuarve me Kovid-19.
Në takim kryeministrat biseduan edhe për mbajtjen e mbledhjes së përbashkët mes dy qeverive, lidhjen e dy kryeqyteteve me gaz natyror, hapjen e kufirit “One Stop Shop”, përgatitja e dokumenteve për lidhje të Tetovës me Prizrenin, dhe shumë projekte tjera me përmbajtje ekonomike.
Hoti gjithashtu zhvilloi takim edhe me kryeparlamentarin Talat Xhaferi, kreun e BDI-së Ali Ahmetin dhe me presidentin e shtetit Stevo Pendarovski.