Zaev nuk dorëzohet. “Zgjedhje me 5 korrik, duhet të mësohemi të jetojmë me koronavirusin”.

Kryetari i LSDM-së Zoran Zaev nuk dorëzohet nga idea se me 5 korrik duhet  të mbahen zgjedhjet parlamentare. Duke u përgjigjur në pyetjen që TV21 ia drejtoi, ai tha se zgjedhjet duhet të realizohen edhe pse po shtohet numri i të infektuarve me Covid-19. Sipas Zaev virusi po dobësohet por ende është aktiv. Rastet që tani po paraqiten janë nga periudha kur ka qenë në fuqi ora policore, kjo dëshmon se as ora policore nuk jep rezultate, tha lideri i LSDM-së. Ai apeloi te qytetarët që t’i përmbahen masave.