Von der Lajen: Do të gjejmë zgjidhje të mençura për pushimet verore

Evropianët do të gjejnë “zgjidhje të mençura” të cilat do t’u mundësojnë të shkojnë në pushime vjetore edhe përkundër pandemisë së koronavirusit, deklaroi kryetarja e Komisionit evropian, Ursulla fon der Lajen.

Mendoj se do të gjejmë  zgjidhje të mençura për pushimet verore. Ndoshta pak më ndryshe, me masa të tjera higjienike dhe me pak më shumë distancë fizike, por do të jetë impresive të shihet se do të gjejmë zgjidhje”, deklaroi Fon der Lajne në intervistë për gazetën “Ekspreso”.

Ajo vlerësoi se është mirë që vendet nga BE-ja po fillojnë t’i heqin masat restriktive, por paralajmëroi se qeveritë duhet të veprojnë me kujdes, “hap pas hapi dhe çdoherë me shumë kujdes”.

Lidhur me përgjigjen e BE-së ndaj pandemisë, Fon der Lajen pranoi se ka pasur “momente kritike” në fillim të krizës, por shtoi se “pas disa ditëve vendet kuptuan se nuk mund të përballen të vetme me të”, pas çka  koordinimi u përmirësua./MIA