VMRO-DPMNE: Pushteti po mbron fajtorët për lëshimet të cilat sollën aksidentin e autobusit në Bullgari

TË FUNDIT

Nga VMRO-DPMNE-ja opozitare akuzojnë pushtetin se po mbron fajtorët e aksidentit tragjik në autostradën “Struma” të Bullgarisë, ku jetën humbën 45 shtetas të vendit tonë.

“Është turp që për LSDM-në dhe qeverinë nuk është fajtor korrupsioni i institucioneve në rastin me aksidentit fatal, por të vdekurit që nuk e kanë parë korrupsionin. Koordinatori kombëtar për menaxhim kufitar të vendosur nga LSDM-ja, Vladimir Pivovarov, i cili është përgjegjës edhe për faktin se autobusi i “Besa Trans”-it ka kaluar 135 herë kufirin pa leje për transport ndërkombëtar, nuk gjen faj në vetvete, për punën që nuk e ka bërë. bën, dhe për të cilën është paguar nga qytetarët, por pasagjerëve që nuk kanë kërkuar licencën për transport ndërkombëtar për inspektim”, thuhet në reagimin e VMRO-së.

Nga kjo parti pyesin se si është e mundur që autobusi i “Besa Trans” ka kaluar 135 herë kufirin pa leje për transport ndërkombëtar.

“Kush dhe pse e mbron Besa trans? Krahas numrit të madh të kontradiktave, ekziston një dilemë tjetër, nëse drejtori i Inspektoratit të Transportit Rufat Huseini, i cili i plotëson kushtet ligjore për pension që nga marsi i këtij viti, nuk ka dalë në pension për të lejuar transportin e paligjshëm të kompanive? Është e qartë se Besa trans është e mbrojtur nga kreu i pushtetit.

Nga VMRO pyesin se pse Zaev, Pivovarov, Spasovski, Boçvarski, Iseni dhe të tjerët marrin paga nga shteti, në rast se, sipas tyre, qytetarët janë ata të cilët duhet të kryejnë kontrolle.

“Është e dukshme se pushteti mbron autorët e gabimeve që çuan në vdekjen e 45 personave, Pivovarov ia hedh fajin, Spasovski hesht, kushëriri i Ahmetit, Huseini mbron pronarin e “Besa trans”-it”, thuhet në reagimin e VMRO-së.

MARKETING I PAGUAR POLITIK