Vet deputete, e nëna e saj s’ka shtetësi! Propozohen ndryshime Ligjore për zgjidhje! Partia e Apasievit kundër

Vetë është deputete që disa muaj në Kuvendin e Republikës së Maqedonisë së Veriut, ndërsa nëna e saj është pa shtetësi edhe përkundër faktit që jeton prej 50 vitesh në Maqedoni.

E hallin se si jetohet pa shtetësi e di më së miri deputetja nga Kumanova. Thotë se nëna e saj 71 vjeçare ka aplikuar shumë herë për të marrë nënshtetësi, por një gjë e tillë nuk iu është mundësuar.

Për zgjidhje të kësaj problematike opozita shqiptare ka propozuar ndryshime ligjore.

 “Nëna imë u ballafaqua me probleme gjatë gjithë jetës së saj. Normalisht se ka pasur problem me sigurim shëndetësor, pensioni as nuk vjen parasysh. Po ku është edhe e drejta e votës. Për atë arsye kjo kërkesë nuk është diçka personale e familjare kjo është një kauzë e jona politike dhe kombëtare për zgjidhjen e këtij problemi”, tha Saije Sadiku – deputete e ASH-së. 

Kryetari i ASH-së Zijadin Sela këmbëngul se ligji i tanishëm është diskriminues ndaj shqiptarëve dhe se duhet të mbështetet nga çdo deputet.

 “Të gjithë këto shqiptarë, qytetarë të cilëve u është marrë kjo e drejtë, natyrisht që duhet tu jepet drejtë. Çdo subjekt politik dhe çdo politikan që të paktën një gjë e vogël njerëzore nëse u ka ngel, duhet ta mendojnë që një njeri pa shtetësi është një qytetar pa mbrojtje shëndetësore në këtë kohë pandemie dhe krize, janë dramë për familje””, u shpreh Ziadin Sela – Kryetar i Aleancës pë Shqiptarët

Kështu nuk mendon kryetari i PDSH-së Menduh Thaçi, i cili thotë se propozimi është një “trik” i Alternativës.

 “Këto janë trika të Alternativës”, potencoi Menduh Thaçi – kryetar i PDSH-së

Shefi i grupit parlamentar i BDI-së Izet Mexhiti tha se njëherë duhet parë se çfarë ka në këtë propozim-ligj.

 “Ta shohim përmbajtjen njëherë”, deklaroi Izet Mexhiti nga BDI.

Partia “E majta” kundërshton dhe thotë se do ta bllokojë propozim ndryshimin e ligjit për shtetësi të propozuar nga Koalicioni Aleanca për Shqiptarët dhe Alternativa i cili dje u fut në rendë dite.  Sipas deputetit Boris Kërmov ligji është propozuar vetëm për tu dhënë qytetarëve në mënyrë paushall shtetësi e pastaj të keqpërdoren në procese zgjedhore si trup votues. 

 “Ky problem nuk zgjidhet në këtë mënyrë duke ulur standardet në atë masë që ato absolutisht nuk i referohen ndonjë rregullore ndërkombëtare. Këtu iu duhen vetëm 3 deklarata nga njerëz ku ata do të deklarojnë se keni jetuar. Kjo bëhet vetëm për të blerë  vota dhe ky ligj nuk duhet të kalojë, nëse është e nevojshme, ne jemi të gatshëm ta bllokojmë atë”, theksoi Boris Kërmov – deputet “E majta”.

Propozim ligji parasheh njohjen e njërës gjuhë zyrtare që flitet në vend, personi të ketë dokument të lejeqëndrimit 4 vite dhe tre dëshmitar që garantojnë se personi që kërkon shtetësi ka jetuar së paku 4 vite në atë vendbanim. Sipas statistikave të Aleancës për shqiptarët janë mbi 60 mijë persona që jetojnë në Maqedoninë e Veriut, por që nuk posedojnë nënshtetësi për shkak të ligjit aktual i cili përmban shumë kushte dhe kërkesa absurde. Sipas MPB-së në vend janë të njohur të ashtuquajturit “fantomë”, që nuk janë evidentuar askund në shtet, ndërsa deri më tani janë detektuar rreth 800 raste të tilla.