Tyson Fury mbron titullin, mund Chisora me KO teknik

Nga një trilogji në tjetrën është gjithmonë Gypsy King. Nga Wilder te Chisora, Tyson Fury është gjithmonë mbreti i pamposhtur i kategorisë më prestigjioze dhe boksieri më i fortë në botë. Nga Wembley në një stadium tjetër, Londra është gjithmonë skenari për kampionin e botës. Në stadiumin e futbollit të Tottenham dhe para 60,000 shikuesve, Tyson Fury konfirmohet kështu si kampion i botës në peshën e rëndë në WBC duke mundur Derek Chisora ​​me KO teknik në raundin e 10-të.

Për Chisora kjo është hera e dytë që duelon për titull, por që nuk arriti të triumfojë. Kjo ishte humbja e 13-të për të në karrierë, ndërkohë që ka dhe 33 fitore. Një përballje pa shumë histori, Fury dukshëm superior ndaj kundërshtarit, asnjëherë në vështirësi gjatë 10 raundeve të zhvilluara.

Në tribuna, duke e admiruar ndeshjen ishte ukrainasi Oleksandr Usyk, kundërshtari që Fury kërkon të takojë në vitin 2023 për ribashkimin e titujve (ukrainasi krenohet me kurorat Wba, Wbo, Ibf).

Nuk kanë munguar dhe ngacmimet në këtë rast, Fury I është drejtuar ukrainasit: “Usyk, ti ​​je i radhës në listë. Ti je një djalë i vogël dhe unë kam rrahur tashmë një ukrainas (Vladimir Klitchsko) kështu që tani është radha jote, djalë i vogël…”. “Do të shihemi përsëri,” i premtoi Usyk. Ribashkimi i peshave të rënda botërore është pritur që nga koha e Lennox Lewis në vitet 90.

Fury do të kishte preferuar një ribashkim tjetër: por britaniku tjetër Anthony Joshua, i cili mbante titujt Wba, Ibf dhe Wbo, u mund pikërisht nga Usyk në shtator 2021 në Arabia Saudite. Që atëherë negociatat kanë filluar dhe Bob Arum, promotori i Fury, është ende duke punuar.