TV21 në Vermont të SHBA-ve, ushtarët e Maqedonisë po trajnohen për mbrojtje atomike e kimike

Ky është ekipi i Armatës së Maqedonisë që është pjesë e Gardës nacionale në Vermont. Po trajnohen për mbrojtje atomike, biologjike dhe kimike.

“Për momentin jemi në terren dhe marrim pjesë baskë me ekipin e Nju Jorkut në detektimin dhe marrjen e ekzemplareve të kontaminuara”, tha Olivera Tomovska, oficer për ABK.

“Ekipet tona bashkë me ekipet e armatës amerikane, bashkëpunojnë dhe shkëmbejnë përvoja. Vetë pajisjet e Armatës sonë janë pothuajse të njëjta me pajisjet që  përdor armata amerikane”, pohoi Gens Dilaveri, komandant i Çetës për Mbrojtje Atomike, Biologjike dhe Kimike.

Gjeneral majori Gregori Najt foli për përvojën e tij nga Maqedonia. Tha se kjo përvojë i ka lënë përshtypje më të madhe në karrierën e tij 40 vjeçare.

“Nëse shihni se ku ishim para 30 vjetëve  dhe ku jemi tani. Thjeshtë është e pabesueshme. Shumë përvoja të shkëmbyera. Bëhet fjalë për përfitim të ndërsjellë për mijëra ushtarë dhe pilotë nga Maqedonia e Veriut dhe Vermonti. Ky është një përfitim i vërtetë nga programi me të cilin po krijojmë liderë të rinj. Kjo përvojë është mbi çdo vlerë për ne”, tha Gjeneral major Georgi Najt, Vermont.

“Tashmë po krijojmë procese dhe aktivitete për dekadën e ardhshme. Është e madhe dhe pozitive ndjenja për t’u qenë me miqtë dhe vëllezërit e   armës dhe vazhdojmë me intensitetin e njëjtë madje dhe të rritur, të trajnimeve te ne dhe në operacionet e përbashkëta që i parashikojmë për 10 vitet e ardhshme”, pohoi Vasko Gjurçinovski, komandant i Shtabit Gjeneral.

Për përparimin e Armatës u bind personalisht edhe ministrja e mbrojtjes Sllavjanka Petrovska e cila është për vizitë zyrtare të SHBA-ve.

“Ajo që mua më gëzon më së shumit janë përshtypjet që i shkëmbejnë pjesëtarët e armatës së Maqedonisë dhe të armatës amerikane dhe Gradës kombëtare. Për shkak se jo vetëm përmes trajnimeve të shumta por edhe përmes shkëmbimit të përvojave dhe diturive, përmes pjesëmarrjes së përbashkët në misione të ndryshme dhe operacione, tregohet se me të vërtetë e arsyetojmë atë që po e quajmë partneritet”, pohoi Sllavjanka Petrovska, ministre e Mbrojtjes.

“Vert” që në gjuhën franceze do të thotë e gjelbër dhe “Mont” që do të thotë mal është në fakt domethënia e emrit Vermont. Poligoni Itan Alen në Vermont është fusha për trajnime dhe shtëpia e shkollës malore të Armatës amerikane, selia e ekipit luftarak të brigadës së 86 të këmbësorisë.

-Ky është Montlilier, kryeqyteti i Vermontit. Ky është kryeqytet me numër më ët ulët të popullsisë në SHBA-të. Ka mbi 8 mijë banorë, por mund të lavdërohet me Gardën kombëtare që është elementi më i vjetër i forcave të armatosura  të SHBA-ve. Nga SHBA-të, Jovica Paunoski, TV21, Montëlilier, Vermont.