Numri i viktimave në Turqi si pasojë e zjarreve të mëdha që kanë goditur zonat pyjore në jug të vendit, në 8 rajone ka shkuar në 3.
Sipas mediave të huaja, dhjetëra fshatra janë evakuuar, ndërsa 4,000 zjarrfikës, të mbështetur nga helikopterë dhe aeroplanë, janë vënë në gatishmëri dhe po luftojnë me flakët.
Zjarret kanë përfshirë zonat si Manavgat, Alanya, Adana, Mersin, Bodrum dhe Marmaris, ndërkohë që aeroplanë rusë të zjarrfikësve kanë mbërritur dhe janë përfshirë në përpjekjet për të shuar zjarret.
Ekipet në teren po tentojnë që ta vendosin nën kontroll edhe zjarrin në rajonin e Allanisë në rajonin turk Antalia, informon Agjencia Anadollia. Zjarri, deri më tani nga arsye të pavërtetuara, ka shpërthyer në rajonin pyjor në vendbanimin Jenikoj.
Në teren gjenden një numër i madh i ekipeve të cilat nga ajri dhe nga toka po tentojnë ta vendosin nën kontroll zjarrin i cili ia afrua vendbanimit.
Zjarre pyjore shpërthyen gjatë disa ditëve të kaluara në rajonet jugore turke Mersin, Osmania, Adana, Antali, Kahramanmarash. Zjarre shpërthyen edhe në rajonin jugperëndimor Muglla dhe rajonet qendrore turke Kirikale dhe Kajseri.