Turneu ndërkombëtar “Skupi Kup 2020”

TË FUNDIT

Po bëjnë nxemje për lojën e radhës. 

Ekipi nikoqir KF Skupi dhe shumë ekipe tjera nga mbarë Maqedonia garuan mes vete në turneun ndërkombëtar të futbollit, të shtatin me radhë.

Ky ishte një gëzim i madh për fëmijët, pasi u rikthyen pas një pauze të gjatë për shkak të pandemisë së Covid-19.

 “Kur ishte karantina më ka munguar shumë futbolli. E tash jemi rikthy. Si u ndjeve sot? Shumë mirë se fituam 2-1.” – tha lojatari i KF Skupi.

 “E mbaj pozitën në mes të fushës. Po pse ke dëshirë me lujt futboll? E kam qejf më pëlqen.” – tha lojatarja e KF Skupi.

Edhe futbollistët e tjerë të moshave të reja, me shpresën se do të fitojnë, treguan se përse kanë përzgjedhur këtë sport.

“Unë e adhuroj futbollin. Që i vogël nuk kam ditur me çfarë të merrem, por pas Kampionatit Botëror 2014, ekipi gjerman shumë më pëlqeu, dhe ky ishte një sinjal për hobin tim të ri. Fillova nga mëhalla të luaj, më pas u kyça në klube futbollistike. Në karantinë jam përgatitur fizikisht, në oborr kam ushtruar të gjuaj në golin tim të vogël. Kur u rikthyen stërvitjet, u gëzova shumë, mezi prisja. Dua që të fitojmë.” – u shpreh lojtari i  A. Pandev.

 “Kur ishim në karantinë ushtroja në shtëpi.” – u shpreh lojtari i  A. Pandev.

“Më ka munguar, por tani u adaptova në stërvitje dhe tani do të vazhdojmë. Presim fitore.” – u shpreh lojtari i  A. Pandev.

Presidenti i KF Skupi, njëherit edhe organizator i turneut, Bedri Saliu, tha se këtë vit shumë ekipe si nga Turqia, Shqipëria, Bullgaria dhe vende tjera nuk kanë mundur të marrin pjesë për shkak të situatës aktuale me virusin.

“Ky është një turnir ndërkombtar që e organizojmë 7 vjet me radhë, marin pjesë nga të gjitha trojet ballkanike por edhe më gjerë. Por këtë vit për shkak të situatës që ndodhemi Covidit, as nuk mundemi ne që të shkojmë nëpër turnetë që i vizitonim rregullisht si Barcelona Cup, Viena Cup, Izmir Cup.” – deklaroi BEDRI SALIU – Deklaroi president i KF “Skupi” Bedri Saliu.

“Këtë vit për shkak të situatës pak jemi reduktuar, ekipet janë nga Maqedonia dhe para së gjithash është një shoqërim i mirë, njoftimi i tyre, ka karakter edukativ dhe sigurisht garues.” – tha Perica Vollçevski, ndihmëstrajner.

Me rastin e 20 vjetorit të themelimit të KF Skupi u realizua Turneu tradicional në futboll për grupmoshat e reja, të lindura në vitin 2009 dhe 2012. Organizatori Saliu vlerësoi se është pozitive që i aktivizuan fëmijët përsëri në lojë pas një pauze.