President amerikan Donald Tramp deklaroi sot se administrata e tij mendon të kërkojë nga udhëtarët të cilët mbërrijnë me fluturime ndërkombëtare të kalojnë kontrolle, duke përfshirë matjen e temperaturës dhe testimit të koronavirusit, që të parandalohet përhapja e infektimit.
“Mendojmë ta bëjmë këtë për fluturimet ndërkombëtare të cilat do të mbërrijnë nga zona shumë të infektuara”, tha Trampi dhe shtoi se kjo mund të ndodhë së shpejti.
Presidenti shtoi se ende nuk është vendosur nëse autoritetet federale apo kompanitë ajrore do të zbatojnë testime të tilla.
“Ndoshta do të jetë kombinim prej të dyjave”, tha ai.
Trampi gjithashtu publikoi në Tuiter se numri i madh i të infektuarve me koronavirus në SHBA, i cili është më i madh në botë, mund të shpjegohet me funksionim të mirë të sistemit për testim të infeksioneve.