Tramp kërcënon se do ta shpërndajë Kongresin për shkak të nominimeve të pakonfirmuara

Presidenti amerikan, Donald Tramp kërcënoi se do ta shpërndajë Kongresin sepse ligjvënësit nuk i konfirmuan kandidatët e tij për pozita të larta në administratë, përfshirë edhe person i cili është nominuar ta ndërmarrë agjencinë e pavarur e cila e mbikëqyrë punën e Zërit të Amerikës.

“Kam fuqi mjaft të madhe”, deklaroi dje Trampi, duke e përdorë terminologjinë nga një tjetër nen të Kushteturës së SHBA-së, që i lejon presidentit ta shpërndajë njërën apo dy dhomat e Kongresit në “rrethana të jashtëzakonshme”.

“Senati ose duhet ta përmbushë detyrën e vet të votojë për kandidatët që i nominova, ose duhet zyrtarisht të shpërndahet, në mënyrë që të mund t’i vendosë njerëzit në funksion derisa ata janë në pushim”, tha Tramp dhe shtoi: “Kemi numër të madh të njerëzve të cilët duhet t’i bashkangjiten administratës. Dhe tani më shumë se kurrë ka qenë për shkak të virusit dhe atij problemi”.

Sipas Kushtetutës së SHBA-së, nominimet për pozita të larta në administratë duhet të konfirmohen nga shumica në Senat. Megjithatë, kur Kongresi nuk mblidhet, presidenti ka të drejtë të bëjë të ashtuquajturën “emërim gjatë pauzës në mbledhje të Kongresit”, që skadon nëse kandidati nuk konfirmohet deri në fund të mbledhjes së plotë të ardhshme.

Asnjë president në historinë e SHBA-së deri më tani nuk e ka shfrytëzuar mundësinë specifike – nga Neni 2 i Kushtetutës – ta shpërndajë Kongresin, shkruan Zëri i Amerikës.

“Ndoshta kjo asnjëherë më parë nuk është bërë, madje aksush nuk është i sigurt”, tha  Tramp gjatë brifingut për pandeminë e koronavirusit në Shtëpinë e Bardhë. “Megjithatë, ne do ta bëjmë. Na nevojiten ata njerëz këtu. Na duhen njerëz për këtë krizë dhe tashmë nuk duam të luajmë lojëra politike”.

Autori i filmave dokumentarë, Majkëll Pek, të cilin Tramp e nominoi për ta udhëhequr Agjencinë për mediume globale të SHBA-së (USAGM), është një nga 15 kandidatët kyçë, nominimet e të cilëve presin konfirmim në Senat. Tramp e ceki emrin e Pekut, por gabimisht e identifikoi USAGM me emrin e  saj të mëparshëm, BBG – Byroja e guvernatorëve të mediumeve elektronike.

Si nominime të cilat akoma presin konfirmim, Trampi i përmendi edhe kandidatin që e nominoi për drejtor të agjencive nacionale të zbulimit, dy anëtarë të bordit të Rezervave federale dhe nënsekretarin për bujqësi, përgjegjës për zbatimin e programit për siguri të ushqimit.

Trampi për stagnimin i akuzoi demokratët, duke e akuzuar partinë opozitare se “me këmbëngulje po tenton ta vështirësojë jetën”.

Ai tha se nominimi i Pekut “është ngujuar në bord tashmë dy vite” dhe “na parandalon të udhëheqim me Zërin e Amerikës (që është_ = shumë me rëndësi”.

“Ndërkaq dëgjuat se çka vjen hga Zëri i Amerikës, ajo është e tmerrshme. Gjërat që i flasin janë të tmerrshme ndaj vendit tonë. Ndërkaq Majkël Pek o të vinte dhe do të përfundonte punë të shkëlqyer, por pret tashmë dy vite – nuk mund të marrim konfirmim”, tha Tramp.

Udhëheqësia e Zërit të Amerikës mbrëmë i hodhi poshtë kritikat e Trampit.

“Mbi 75 vite, Zëri i Amerikës ka mision ta tregojë rrëfimin për Amerikën vendeve të huaja dhe të transmetojë informata objektive të bazuara në fakte, në pjesë të botës të cilat nuk kanë kurfarë qasje drejt informatave të tilla. Siç themi çdoherë – ne e eksportojmë Amandamentin e Parë”, theksoi drejtoresha e Zërit të Amerikës, Amanda Benet në kumtesë.

Amanda Benet u emërua drejtoreshë e Zërit të Amerikës nga administrata e kaluar e Barak Obamës dhe të atë funksion është katër vite./MIA