Presidenti i Kosovës, Hashim Thaçi e ka njoftuar kryeministrin në detyrë, Albin Kurti se ai do të nis konsultimet me partitë tjera parlamentare për ta formuar qeverinë e re, meqenëse kjo parti nuk ka dërguar emrin e mandatarit të ri.
Thaçi tutje i thotë Kurtit se do të veprojë në bazë të kompetencave që i garantohen.
“Më duhet t’ju rikujtoj që në pajtim me mandatin kushtetues është përgjegjësi e imja që ta ruaj stabilitetin e vendit dhe ta garantoj funksionimin demokratik të institucioneve”, thuhet tutje.
“Prandaj, shkruan Thaçi, në përputhje me nenin 95 të Kushtetutës dhe Aktgjykimin e Gjykatës Kushtetuese në rastin nr. K0103/14 do të bëj konsultim të përbashkët me të gjithë liderët e subjekteve politike parlamentare për hapat e mëtejmë”, ka shkruar Thaçi.
Ndërkohë, sot kreu i LDK-së, Isa Mustafa është takuar me atë të AAK-së Ramush Haradinaj ku kanë diskutuar për koalicionin e mundshëm për krijimin e Qeverisë së re./21Media