Zjarrfikësit e qytetit të Tetovës protestuan për të kërkuar shtesën e rrogës që u takon me ligj.
“Të përsëriten kërkesat e parashtruara, në një sigurim kolektiv, korrigjim i të ardhurave të rrogës gjatë natës festive dhe gjatë vikendit si dhe të paguhet puna shtesë jashtë orarit të punës, korrigjimi i rrogës bazë për 20 % dhe pagesa në të holla në bazë të vendimit gjyqësor që të paguara janë vetëm 20 mijë denarë, që ne vend të paguajnë 60 mijë denarë. Jo një takim, ne kemi pasur disa takime do ta them edhe fjalë më të rëndë, na gënjejnë na anulojnë, takimet thonë bëni kërkesat në bazë të arkivit të komunës”, tha Fariz Xhemaili – zjarrfikës Tetovë.
Në lidhje me protestën e zjarrfikësve kërkuam përgjigje nga komuna e Tetovës. Nga atje thonë se mundohen që në kuadër të ligjit ti plotësojnë të gjitha kushtet e zjarrfikësve.
“Në kuadër të kornizës ligjore në fuqi jemi munduar që të mbështesim dhe vlerësojmë punën që bëjnë zjarrfikësit e Tetovës, duke i shërbyer qytetarët jo vetëm të Tetovës por edhe të 5 komunave të tjera përreth. Për rregullimin e statusit dhe përmbushjen e nevojave të zjarrfikësve duhet një angazhim në nivel shtetëror pasi që ky problem nuk është lokal, por në të gjithë vendin.
Komuna e Tetovës deri më tani ka paguar një pjesë të kompensimit financiar për zjarrfikësit e Tetovës, dhe ne të ardhmen e afërt do të shlyejë plotësisht edhe 2 pjesët e mbetura të këtij kompensimi në vlerë totale prej 40.000 denarë për çdo zjarrfikës”, thonë gna Komuna e Tetovës.
Zjarrfikësit thonë se punën e tyre do të vazhdojnë ta bëjnë me dinjitet, por shtuan se nëse komuna vazhdon t’i injorojë, protestën do ta zhvendosin para komunës dhe para Qeverisë. Nga sindikata e tyre kanë dorëzuar edhe një kërkesë deri tek kryeministri Zoran Zaev, por edhe nga atje deri më tani nuk kanë marr asnjë përgjigje.