Tetë vjet nga humbja e Arbën Xhaferit

TË FUNDIT

Tetë vjet nga humbja e Arbën Xhaferit.

Partia të cilën e udhëhoqi derisa nuk u largua nga kjo botë, Partia Demokratike Shqiptare e kujtoi edhe sot.

Pasardhësi i tij politik, Menduh Thaçi i bëri homazhe duke i vendosur lule në varrin e tij.

Politikani, publicisti dhe ideologu Xhaferi ishte edhe njëri nga hartuesit e Marrëveshjes së Ohrit.

Pas një takimi me të, në mars të 2001-it, sekretari i NATO-s, Havier Solana kishte riafirmuar mbështetjen për një zgjidhje paqësore të konfliktit.

“Ju duhet të gjeni zgjidhje të problemeve jo me pushkë por me negociata”, kishte thënë Solana pas takimit me Xhaferin.

E katër muaj pas këtij takimi, më 13 gusht të 2001 u nënshkrua marrëveshja historike, Marrëveshja e Ohrit i cila i dha fund ndasisë etnike të Maqedonisë së Veriut. Duke u dhënë shqiptarëve një status krejtësisht tjetër.

E Xhaferi ishte njëri nga nënshkruesit e kësaj marrëveshje si kryetar i PDSH-së.

Por, Xhaferi përveç me ideologji, tashmë paraqet edhe urë lidhëse mes shteteve të Ballkanit.

Ndër autostradat më të mëdha në Ballkan, që lidh Kosovën me Maqedoninë e Veriut mban emrin e tij.

Është propozuar që emri i tij të emërojë edhe autostradën Shkup – Prishtinë, por ende pa një vendim.

Arsimimin dhe zhvillimin e tij e kishte bërë në Prishtinë, ndërkaq në Maqedoni të Veriut u rikthyer në vitin 1993, ku pas një viti u zgjodh kryetar i Partisë Demokratike Shqiptare.

Parti kjo e cila pas zgjedhjeve të vitit 1998 arriti të hyjë edhe në Qeveri.

error: Content is protected !!