Një muaj pasi ishte sulmuar vetura e lojtarit të Realit të Madridit, Gareth Bale, në vendin e njëjtë është sulmuar sërish, dhe kësaj radhe si duket edhe më keq, transmeton “Mirror”.
Tifozët që kanë pritur në vendin ku ishte sulmuar ai, e kanë “pritur” atë me sharje dhe ofendime, ndërsa u dëgjuan edhe fjalët “kurvë” dhe “vrapo më shumë”.
E gjithë kjo ka ndodhur pas performancës së dobët që ka treguar lojtari në ndeshjen e vlefshme për Ligën e Kampionëve kundër Atleticos së Madridit.
Ai ishte vlerësuar me notën pesë nga dhjetë nga gazeta sportive spanjolle “Marca”.