Në qendër të Strugës në mënyrë jolegale funksionojnë parkingje të cilët u marrin para qytetarëve.
Ky fenomen po ndodh tanimë 1 vit, ku qytetarët për tu parkuar afër urës e cila është pronë shtetërore detyrohen të paguajnë parking 100 denarë, sepse dikush ka uzurpuar pa të drejtë pronën Shtetërore dhe përfiton në të zezë.
Një qytetarë i revoltuar e ka xhiruar uzurpuesin e pronës i cili po kërkon para për parkim.
-E këtu do të paguash!
Mirë më jep llogari fiskale dhe do të paguaj.
-Në të zezë do te paguash, do të shohësh!
Të paguaj në të zezë?
-Po 50 denarë!
Ke t’i llogari fiskale?
-Jo çfarë llogarie fiskale!
Këtë video e ka dërguar edhe në polici, me ç ‘rast në teren kanë dal inspektorët e tregut nga ku kanë konstatuar se po kryet veprimtari e jashtëligjshme.
“Kemi nxjerrë masën sipas ligjit për veprimtari të paregjistruar dhe vendim për ndalim të veprimtarisë në kohëzgjatje prej 30 ditësh”, pohoi Shpend Iljazi, Inspektorati i Tregut- Strugë.
Por edhe përskaj të ndalesës së veprimtarisë dhe dënimeve të shqiptuara nga ana e inspektorëve i njëjti person vazhdon ta mbajë të uzurpuar pronën publike.