A është Buxheti vendor real apo i imponuar në kushte të pandemisë Kovid dhe a do të ketë nevojë për huamarrje të reja në të ardhmen? Qëndrimet e ekspertëve dhe të pushtetit janë të ndryshme. Në magazinën ekonomike 21 minuta, zv. ministri i financave, për vitin e ardhshëm paralajmëroi ulje të borxhit publik.
“Për vitin e ardhshëm planifikojmë deficit buxhetor prej 4.9% nga BPV apo për 3.6% më pak në raport me deficitin buxhetor që e kemi deri në fund të vitit 2020”, tha Dimitar Kovaçеvski, zv.ministër i Financave.
Ne jemi të përgatitur për skenarë të ndryshëm me zhvillimin e krizës, por nuk presim revidim të arkës shtetërore para 6 mujorit të parë të vitit 2021, theksoi Kovaçevski. Lidhur me nevojën për huamarrje të re, rikujtoi se verën e ardhshme arrin për pagesë eurobondi prej 500 milion eurove, i lëshuar në 2014, ndërsa i pashmangshëm është edhe borxhi vendor në vlerë prej 6.1 miliardë denarëve. Kjo, sipas Kovaçevskit, do të diktojë nevojën për huamarrje të reja. Ekspertë me qëndrime të kundërta.
“Këtë vit do të kemi ulje të madhe të ekonomisë, rënie të madhe, rënie të thellë prej mbi 5 %. Unë isha e befasuar që jo vetëm institucionet vendase, Ministria e Financave, Banka Popullore në vlerësimet e para ishin më optimistë se do të kemi një ulje prej 3.5 përqind të BPV-së”, deklaroi Maja Kadievska, ish zv.guvernatore e BPM.
Ish zv. guvernatorja e Bankës Popullore rikujton se pushteti realisht duhej ta vlerësojë rënien e BPV me qëllim që të sigurojë mbështetje më të madhe për sektorin privat. Sipas saj, përparësia e ekonomisë së vogël, siç është e jona, është që kemi kurs stabil të denarit i cili edhe në kushte të tilla të vështira është i garantuar. Kemi mbijetuar shumë kriza, do ta tejkalojmë edhe këtë , theksoi Vojanoviq.