Pas dy orësh vonesë në seancën e Këshillit Gjyqësor në të cilën duhej të zgjidhej kryetari i ri i Këshillit, pasi dje u shkarkua kryetarja Vesna Dameva, nënkryetari Selim Ademi njoftoi se megjithatë e shtyn zgjedhjen e kryetarit të ri, përcjell TV21. Arsyetimi i Ademit ishte se anëtarët e këshillit u pajtuan që kur të bëhet zgjedhja e kryetarit të ri të këshillit, të jenë të pranishëm të gjithë anëtarët e këshillit.
Sot nuk ishte e pranishme Mirjana Radevska Stefkova. Ajo nuk ishte as në seancën e djeshme.
Pozita e kryetarit sot mbeti e zbrazët, Dameva u ul në vendin e anëtarëve, por menjëherë kërkoi fjalën.
Sipas saj, seanca është shtyrë për shkak se anëtarët nuk kanë arritur të mbledhin shumicë për të zgjedhur kryetarin e ri.