Çmimet e benzinës do të shtrenjtohen për 0,5 denarë nga mesnata, ndërsa nafta do të mbetet me të njëjtin çmim, kumtoi Komisioni Rregullator i Energjetikës dhe Shërbimeve të Ujit.
Sipas vendimit të Komisionit Rregullator, çmimet me pakicë të derivateve të naftës janë rritur me një mesatare prej 0,28 për qind krahasuar me Vendimin e datës 05.07.2021. Çmimet me pakicë të benzinës EUROSUPER BS-95 dhe EUROSUPER BS-98 do të rriten me 0,50 denarë për litër. Çmimet me pakicë të EURODIESEL (DE V), vajit ekstra të lehtë për amvisëri (EL-1) dhe mazutit M-1 NS nuk ndryshojnë dhe qëndrojnë në të njëjtin nivel siç përcaktohet nga vendimi për përcaktimin e çmimeve më të larta me pakicë të derivateve të naftës dhe karburanteve për transport nga 05.07.2021.
Nga mesnata çmimet maksimale të derivateve të naftës do të jenë: benzinë motorike EUROSUPER BS – 95 me 72 denarë për litër, benzinë motorike EUROSUPER BS -98 me 74 denarë për litër, lëndë djegëse me naftë EURODIESEL BS (DE V) 63 denarë për litër, vaj ekstra të lehtë 1 (EL-1) 63 denarë për litër dhe mazut M-1 NS 37,719 denarë për kilogram.
Në periudhën e shtatë-ditore, çmimet e referencës në bursat botërore janë rritur mesatarisht tek benzina me 0,887 për qind, tek nafta me 0,292 për qind, naftë ekstra të lehtë me 0,118 për qind dhe tek mazuti me 0,579 për qind. Në të njëjtën periudhë, kursi i këmbimit të denarit ndaj dollarit ishte më i lartë me 0,495 për qind.