Shteti s’e importon ilaçin  Plaksovid që shpëton jetë/ Danaillovski: Korona definitivisht do të mbetet mes nesh

Pas llojeve tjera të kovidit të njohura Kraken dhe Eris, të cilat janë ende të pranishme, Omikron mori një tjetër nënvariant Pirola, që ndryshon dukshëm nga paraardhësit e tij dhe për këtë arsye Organizata Botërore e Shëndetësisë (OBSH) e ka etiketuar këtë nënvariant si një “variant nën vëzhgim”, që do të thotë se në të gjitha vendet duhet të ndiqet.

Pavarësisht simptomave të nënvarianteve të fundit, simptomave dhe pamjes klinike që zhvillohet, rreziku për të rriturit, personat me sëmundje kronike dhe të rralla, si dhe komorbiditete është i lartë dhe duhet vëzhguar më me maturi. Sekuenca nëse Pirola dhe cili nënvariant është i pranishëm në Maqedoni bëhet periodikisht nga Instituti i Shëndetit Publik dhe më pas do të dihet. Ndërkohë mjekët e rajonit paralajmërojnë se analizat aktuale nuk e detektojnë variantin “pirola”.

Epidemiologu Dragan Danaillovski thotë për TV21 se do të ketë valë, siç është rasti me të gjitha viruset respiratore në vjeshtë dhe dimër.

“ Kushdo që infektohet do ta rifreskojë  imunitetin e tij. Korona do të mbetet patjetër mes nesh, mes gjithë viruseve të tjera, ftohjes, gripit. Le të mendojnë dhe të kenë kujdes vetëm qytetarët shumë të moshuar dhe ata me sëmundje kronike. Për ta, çdo ftohje mund të çojë deri te shtrimi në spital. Prandaj, absolutisht analoge me gripin, le të mendojnë për vaksinimin jo vetëm kundër gripit, por edhe kundër koronës. Do të ishte gjithashtu e mençur të mbani një maskë kur lëvizni nëpër turma në hapësira të mbyllura. Situata do të ishte më e sigurt për ta nëse shteti do të kishte dëgjuar dhe do të kishte importuar tashmë ilaçin Pakslovid, që padyshim shpëton jetë.”- deklaroi Dragan Danaillovski, Epidemiolog.

Dr. Nikolla Panovski në bisedë për TV21 thotë se këto janë variante nga mutacioni omikron dhe se i ka më shumë.

“Fakti është se për momentin nuk ka nevojë për masa të veçanta, për këtë do të vendosë komisioni. Simptomat nuk janë të ndryshme dhe është e vështirë të dallosh nëse është ky apo ndonjë infeksion tjetër. Humbja e nuhatjes dhe shijes është në vendin e 11-të, nuk është e shpeshtë tani. Rekomandimi është që kushdo që është i sëmurë të qëndrojë në shtëpi për pesë ditë, pavarësisht nëse është Kovid, grip, ftohje apo virus, të qëndrojë në shtëpi. Nëse duhet të dalë, atëherë duhet të mbajë maskë. Tashmë të sëmurët duhet të mbajnë maskë dhe kujdes të shtuar me të moshuarit, veçanërisht kur shkojmë te të moshuarit që kanë sëmundje të tjera, kur kemi të ftohtë t’i mbrojmë ose nëse është e mundur të mos kemi kontakt me ata njerëz në ambiente të mbyllura.”- tha Nikolla Panovski, Mikrobiolog.

Panovski shton se është e logjikshme dhe po pritet që në muajt nëntor-dhjetor të ketë një numër më të madh të rasteve dhe me këtë duhet të mësohemi që përveç gripit, të ftohtit, të kemi edhe një sëmundje tjetër që do të jetë me ne kohë pas kohe, do të ketë edhe lloje të reja, herë pas here humbim imunitetin që kemi fituar, pa dallim nëse jemi vaksinuar apo kemi imunitet natural.

Simptomat e Erisit janë ethe, kollë e vazhdueshme, ndryshime në shqisën e shijes dhe nuhatjes, lodhje, rrjedhja e hundës, dhimbje fyti. Shpesh përmendet edhe pneumonia, por nuk është përcaktuar se nga cili lloj, sepse nuk bëhet sekuenca.