Shqipëria-Izrael, ja formacionet zyrtare

TË FUNDIT

Si pasojë e përjashtimit të Rusisë, kjo do të jetë vetëm ndeshja e dytë e Shqipërisë në UEFA Liga e Kombeve në Ligën B, pas promovimit të tyre nga Liga C gjatë edicionit të fundit.

Shqipëria e filloi këtë edicion me një barazim 1:1 si mysafire kundër Islandës të hënën mbrëma, gjë që zgjeroi rekordin e saj pa humbje në këtë garë në pesë ndeshje, respektivisht dy fitore dhe tre barazime.

Në anën tjetër, njëjtë sikurse Shqipëria, edhe Izraeli në ndeshjen e fundit regjistroi barazim kundër Islandës me rezultat 2:2.

Ndërkaq, sa i përket ndeshjes së sotme, të dy trajnerët kanë publikuar formacionet e tyre startuese dhe ato zyrtare i gjeni më poshtë.

Shqipëria (3-4-2-1): Berisha; Ismajli, Djimsiti, Veseli; Balliu, Asllani, Bajrami, Hysaj; Uzuni, Abrashi; Armando Broja

Izraeli (4-3-3): Marciano; Leidner, Miguel Vitor, Goldberg, Dasa; Jaber, Peretz, Karzev; Solomon, Weissman, Abada