Pas 9 marsit, kur është regjistruar rasti i parë me Kovid-19, në Shqipëri, nga ky virus i rrezikshëm janë infektuar 48 punonjës shëndetësor, mjekë dhe teknik mjekësor, me ç’rast 32 prej tyre janë shëruar.
“Prej dje në karantinë janë 10 punonjës shëndetësorë, pesë mjekë dhe aq teknikë mjekësorë nga personeli i Klinikës për traumatologji në Tiranë. Do të testohen pas pesë ditëve”, kumtoi ministria e Shëndetësisë dhe Mbrojtjes Sociale.
Ata kishin kontakt me person të lënduar në aksidentin e trafikut që ka ndodhur në Durrës para tre ditëve, ndërsa në ndërkohë është konfirmuar se ka qenë pozitiv në Kovid-19.
Pacienti menjëherë është transferuar në Klinikën infektive dhe për momentin është në gjendje stabile shëndetësore.
Me të dhënat e djeshme të kumtuara në vend të diagnostikuar me Kovid-19 janë 446 persona, prej tyre 16 fëmijë. Janë shëruar 217, ndërsa kanë vdekur 23 persona. (MIA)