Shkëndija demanton: Nuk ka ndryshime në strukturën drejtuese, vemendja jonë është në Ligën e Evropës

Nga KF Shkëndija nëpërmjet një komunikate theksojnë se vëmendjen e kanë te suksesi në Europa League dhe te kampionati vendor dhe se nuk bëhet fjalë për ndryshime në struktur.

“KF Shkëndija ndjehet e thirur të reagojë përmes kësaj komunikate për të demantuar shkrimet në media të caktuara në lidhje me klubin tonë.
Duke qenë në prag të një ndeshje të rëndësishme si përballja e të enjtes me Botośanin e Rumanisë në raundin e dytë të eliminatoreve të UEFA Europa League, është skajshmërisht e papranueshme që me të pavërteta të synohet destabilizimi i skuadrës dhe stafit teknik vetëm disa ditë nga përballja europiane.

Të gjithë në KF Shkëndija momentalisht gjithë vëmendjen e kemi drejtuar për të qenë sa më të gatshëm e karikuar në kërkim të suksesit të rradhës në Kupat e Europës dhe në kampionat dhe në këtë synim presim të kemi mbështetjen e tifozëve, opinionit, por njëkohësisht edhe media të caktuara të jenë ferr dhe korekte në publikimin e lajmeve që kanë të bëjnë me klubin tonë”, thuhet në komunikatë.