Shënohet viktima e 27 nga COVID-19 në Shqipëri

Një 71 vjeçar mbrëmë humbi betejën me Covid-19, duke e çuar në 27 numrin e viktimave të COVID-19.

Zv/ Ministrja e Shëndetësisë dhe Mbrojtjes Sociale, Prof. Mira Rakacolli, konfirmoi vdekjen e pacientit 71-vjeçar në spitalin “Shefqet Ndroqi” i cili ishte prej dy javësh i intubuar dhe vuante nga disa sëmundje bashkëshoqëruese si (diabetik, kardiopat, ç’rregullime të ritmit kardiak dhe fibrilacion atrial).

“Pavarësisht përpjekjeve të mjekëve, 71-vjeçari nuk ka mundur të mbijetojë duke e çuar numrin e qytetarëve që kanë humbur betejën me këtë sëmundje në 27”, ka thënë ajo. Shqipëria sot ka regjistruar 25 raste të reja me Covid-19 gjatë 24 orëve të fundit, numër i njëjtë infeksionesh me një ditë më parë, duke e çuar në 634 numrin e të prekurve./21Media