Sakrifica e karrierës politike të Zaevit! Zgjidhja e kontestit me Bullgarinë mund të ketë tarifë të lartë

TË FUNDIT

Mësoni çfarë ju thotë horoskopi sot

Dashi Ju sot do të ndjeheni pak të lodhur, prandaj bëni vetëm gjërat që janë të nevojshme. Të ardhurat ekonomike...

Thellohet bilanci tragjik i tërmetit në Indonezi, numri i viktimave shkon në 67

Të patën 67 persona kanë humbur jetën dhe qindra u lënduan kur një tërmet i fuqishëm ndodhi në ishullin...

Kosovë, Avdullah Hoti kërkon debat publik me kundërshtarët

Kryeministri në detyrë Avdullah Hoti, i cili edhe është i nominuar për kryeministër nga LDK në zjgedhjet e 14...

Hoti: Vjosa Osmani dje ka mbyllur të ardhmen e saj politike

Kandidati për kryeminister nga radhët e LDK-së, Avdullah Hoti në emsionin “Argument Plus” në RTV21 komentoi edhe vendimn e...

Britania mbyll të gjitha korridoret e udhëtimit

Mbretëria e Bashkuar do të mbyllë të gjitha korridoret e udhëtimit nga e hëna në mëngjes për të “mbrojtur...

Vullneti i Kryeministrit Zoran Zaev për të zgjidhur kontestin me Bullgarinë, është në favor të ardhmërisë së vendit dhe hapjes së negociatave, vlerëson partneri i tij i koalicionit, Ali Ahmeti, i cili madje intervistën e fundit të Zaevit për media bullgare e sheh si sakrificë të karrierës politike.

Ali Ahmeti: “Unë e vlerësoj që ky është një rrezik, sakrificë personale e z.Zaev për të rrezikuar karrierën e tij politike për t’i thënë gjërat aq drejtpërdrejt me qëllimin më të mirë që mirë të bëhet për vendit, për shtetin, për qytetarët”.

Intervista e Zaevit ngjall reagime sepse, siç thotë analisti Arben Ratkoceri, deri para disa vitesh flitej për rrënjët e lashtësisë të kombit maqedonas, kurse me deklaratat e tij kryeministri del nga klishetë.

Arben Ratkoceri: “Krejt kjo reflektohet në këtë reaksion kaq të madh që kishte të shoqërisë maqedonase, që për mendimin tim, nuk jam historian, për shkak të një deklarata të z.Zaev që ishte ndryshe nga klishetë e deritashme”.

Ratkoceri po ashtu tregon se ka informacione jo të plota se është arritur marrëveshje mes Zaevit dhe homologut të tij bullgar Borisov dhe se intervista e tij është pikërisht në funksion të kësaj, për të relaksuar atmosferën.

Historiani Zejni Mazllami vlerëson se varësisht nga suksesi ose mosuksesi i zgjidhjes së kontestit, Zaev do të paguaj tarifë të lartë.

Zejni Mazllami: “Në Bullgari, po të marrim ato rezolutat që i ka votuar parlamenti, nëse nuk gaboj ka pasur 1 ose 2 vota të përmbajtura, pra e kemi spektrin politik disi të unifikuar, kurse këtu kemi ndarje. Nuk  merrem me politikë aktive, për ta ditur se a do të përfitonte Zaevi ose do të humbiste, por do të ketë një tarifë të majme të mossuksesit ose të suksesit”.

Nga ana tjetër, historiani Fati Iseni, thotë se kontesti me Bullgarinë, nuk është më i vështirë se sa ai që kishte Maqedonia me Greqinë. Shton se kontesti është i përbashkët për maqedonasit dhe shqiptarët.

Fati Iseni: “Ne bashkë me këta kemi ngecur, jemi ngatërruar në këtë baltë ballkanike dhe nuk mund të shkojmë përpara. Do me thënë duhet çliruar nga ky kompleks sepse fundja ne këtu jemi bashkë, nëse ata ngecin, ngecim ne. Madje në thonjëza mund të them se nëse ata na kanë akuzuar se na keni marrë në qafë për shumë ofendime që u bënë gjatë të kaluarës, tani ne mund të themi se ju po na merrni në qafë dhe po na mbani peng”.

Iseni konsideron se duhet bërë presion që pala maqedonase të lëshojë pe, sepse nuk ka mundësi që 100% të përvetësohen figurat historike që pretendohen, por nga ana tjetër edhe bullgarët duhet të jenë fer në këtë proces duke mos e bllokuar rrugën evropiane të Maqedonisë së Veriut.

TË NGJAJSHME