Rasti “Reket” hedh dyshim të madh ndaj gjyqësorit dhe prokurorisë, vlerësoi prokurorja për ndjekje të krimit të organizuar dhe korrupsionit, Villma Ruskoska. Pikërisht, sot para Gjykatës Civile vazhdoi rasti në të cilin afaristi Orce Kamçev i padit ish-prokuroren speciale Katica Janeva dhe Bokin-13, duke kërkuar dëmshpërblim, gjegjësisht t’i kthehen paratë e tij, pas sjelljes së aktgjykimit se i është zhvatur me 1.5 milion eurove. Bëhet fjalë për të holla të cilat në çantën “Luj Vuton” ishin nxjerrë nga shtëpia e Kamçevit edhe atë nga Zoran Mileski-Kiçeev, për të cilin Kamçevi e tërhoqi padinë. Por, si ndikoi ky rast mbi gjyqësorin dhe prokurorinë?
“Hodhi dyshim të madh ndaj gjyqësorit veçanërisht ndaj prokurorisë, pa dallim se ish PPS-ja u nda nga Prokuroria publike e Republikës së Maqedonisë së Veriut si subjekt i veçantë, ndërsa ndikoi negativisht ndaj të gjithë prokurorëve dhe prokurorive në përgjithësi. Shpresoj se ngadalë e kthejmë besimin e opinionit publik te prokuroria publike në përgjithësi”.
Në lidhje me rastin e fundit me ish-sekretarin e përgjithshëm të Qeverisë, Muhamed Zeqiri, Ruskoska tha se për momentin është e kontestueshme marrëveshja sy me sy, megjithatë tani për tani nuk zbuloi nëse ky rast po zgjerohet.
“Nuk mund ta di nëse do të zgjerohet. Hetimi është në fazë të hershme, do të thotë se ende po mblidhet dokumentacioni. Unë nuk e udhëheq lëndën, por sipas asaj që më brifoi kolegia, ende po mblidhet dokumentacioni”.
Ruskoskës në nëntor i skadon mandati dhe zbuloi se nuk do të kandidohet për mandat të dytë dhe se nuk planifikon që të kandidohet as për gjykatëse në Gjykatën Kushtetuese.