Rebalanci i Buxhetit solli plane dhe projeksione të reja për shpëtim të ekonomisë në kushte pandemie. Njeriu i parë i financave paralajmëroi rënie të ekonomisë prej 4,4% dhe thotë se rënia do të jetë edhe më e madhe nëse nuk do të ishte planifikuar seti i katër ekonomik i masave. Në periudhën prej janari deri në shtator, sipas Besimit është realizuar deficit buxhetor prej 35,8 miliardë denarëve ose 5,3% e TVSH-së. Nevoja për financa shtesë e solli edhe rebalancin e ri të Buxhetit.
“Të ardhurat e përgjithshme me ndryshimet, janë planifikuar në nivel prej 196,4 miliard denarë. Në strukturën e të ardhurave të përgjithshme, të ardhurat nga tatimet marrin pjesë me 55,6% dhe janë planifikuar në nivel prej 109,2 miliard denarë”, deklaroi Fatmir Besimi – Ministër i Financave.
Pjesa e shpenzimeve, siç informoi Besimi, do të rritet për 253 miliard denarëve ose 4,2%, përkatësisht për 10,1 miliard denarë më shumë në krahasim me rebalancin e parë.
“Në lidhje me planifikimin e tillë të të ardhurave dhe shpenzimeve, deficiti është i pozicionuar në vlerë prej 56,6 miliard denarëve, përkatësisht 8,4% nga BPV”, u shpreh ministri i Financave, Fatmir Besimi.
Shpenzimet për pagesën e pagave do të mbeten të njëjta. Shkurtim do të ketë te shpenzimet për mallra dhe shërbime prej 1 miliard denarë dhe te shpenzimet kapitale me 1,2 miliard denarë. Besimi theksoi se borxh të ri ndaj vendeve të huaja nuk do të ketë në lidhje me financimin e deficitit. Deficiti do të financohet një pjesë me depozitat e shtetit dhe pjesa tjetër përmes letrave shtetërore me vlerë.
“Salldo që duhet të bartet në vitin e ardhshëm si depozita në dispozicion që i ka buxheti, do të ulet në vlerë prej rreth 100 milion eurove nga të paraparat. Fillimisht ishin 300 milion dhe varësisht dallimit do të marrim borxh edhe në tregun vendor”, tha Fatmir Besimi – Ministër i Financave.
Edhe ministri i Ekonomisë, Kreshnik Bekteshi, paralajmëroi se rebalanci i buxhetit do të sillet menjëherë sa të kalojë në filtrat e kuvendit.
“Masat nga seti i katërt do të fillojnë të realizohen pasi që Rebalanci do të kalojë në Kuvend edhe pse disa prej masave tashmë janë në realizim dhe në vijim”, potencoi Kreshnik Bekteshi – Ministër i Ekonomisë.
Kjo është një prej krizave më të mëdha ekonomike botërore, theksoi Bekteshi.