Rritet numri i pacientëve në Nefrologji, nga e mërkura transplantim i veshkave nga donator i gjallë

Ditët e fundit, numri i pacientëve me funksion të dëmtuar të veshkave për shkak të Kovid 19 është rritur dhe ata janë të shtruar në Klinikën e Nefrologjisë. Disa prej tyre kanë pasur nevojë për trajtim akut të hemodializës ndërsa testet shtesë kanë treguar praninë e virusit, thonë nga Nefrologjia. 140 pacientë janë duke pritur në listën elektronike për transplantim të veshkave, informon koordinatorja nacionale për transplantim Maja Mijovska Mojsovska.

“Të mos harrojmë se 140 pacientë që presin për transplantim të veshkave sigurisht që shkojnë për dializë çdo ditë dhe pacientët e tjerë që presin organin – zemër janë në një pajisje që punon në vend të zemrës së tyre”, tha Maja Mijovska-Mojsovska – Koordinatore nacionale për transplantim.

Ajo njoftoi se transplantimi i veshkave nga donatori i gjallë do të fillojë të Mërkurën dhe shtoi se do të ndodhë me një ritëm më të ngadaltë pikërisht për shkak të virusit korona. Theksoi se janë rritur ekipet e koordinatorëve të spitaleve kryesisht në klinikat kirurgjikale dhe se është bërë edukimi i brendshëm. Me rastin e ditës së dhurimit të organeve, Ministri Filipçe theksoi se Kovid 19 ka ngadalësuar punën me transplantimin e organeve. Sipas tij, të gjithë pacientët duhet të marrin kujdes shëndetësor cilësor dhe në kohë.

“Duke pasur parasysh se një pjesë e konsiderueshme e anesteziologëve të përfshirë në fushën e transplantimit i janë dedikuar edhe trajtimit të pacientëve me Kovid, ekziston plan në të cilin ne punojmë në këto kushte, sepse nuk mund të supozohet asnjëherë kur ka mundësi për transplantim”, u shpreh Venko Filipçe – Ministër i Shëndetësisë.

Sipas Filipçes, transplantimi i parë i zemrës që ndodhi në maj të këtij viti dha rezultate, rriti ndërgjegjësimin e qytetarëve. Pas një operacioni gjashtë orësh në Klinikën Shtetërore të Kardiokirurgjisë në Shkup, një 54 vjeçari iu transplantua zemra nga një dhurues i vdekur në një aksident automobilistik. Dhe nga i njëjti dhurues, dy veshka u dhuruan pacientëve me insuficiencë renale kronike të cilët kishin qenë në dializë prej vitesh, por fatkeqësisht nuk u pranuan nga pacientët. Filipçe dhe Mojsova falënderuan familjet Dinevi dhe Pinevi të cilët dhuruan organet e të afërmit të tyre Fakultetit Mjekësor dhe institucioneve shëndetësore që në mënyrë aktive janë të përfshirë në transplantimin me një qëllim të vetëm – shpëtimin e jetëve dhe një shans për një jetë të dytë te pacientët që kanë nevojë për transplantim të organeve.