Dy panda të rritura, Ping Ping dhe Fu Shuang, janë nisur nga Çengdu i Kinës drejt shtëpisë së tyre të re në kopshtin zoologjik të Atlantës, në kuadër të marrëveshjes mes SHBA-së dhe Kinës, përcjell TV21. Pandat do të qëndrojnë në Atlanta për 10 vjet, ndërsa qyteti kishte mbetur pa panda që nga viti 2024.
Dërgimi i tyre vjen menjëherë pas samitit mes presidentit amerikan Donald Trump dhe presidentit kinez Xi Jinping në Uashington. Xi e cilësoi programin e huazimit të pandave si shembull të “miqësisë kino-amerikane”. Kina prej kohësh përdor huazimin e pandave si pjesë të diplomacisë së saj ndërkombëtare.