“Rekuzita argëtuese janë vendosur këtu përballë sallës sportive Boris Trajkovski në Karposh. Nga Qyteti i Shkupit thonë se nuk kanë leje për këto rekuizita dhe të njëjtat nuk kanë certifikatë sigurie. Thonë se i kanë gjobitur por të njëjtit kanë vazhduar që t’i montojnë”, raporton Zekirija Haxhiu – gazetar.
Nga Qyteti I Shkupit thonë se personi juridik “Diznilend Rekuizita” e cila ka montuar rekuizitat është kompani e formuar para vetëm një muaji, dhe nuk ka dokumentet e nevojshme as për siguri e as për montim.
“Njoftojmë opinionin se personi juridik “Diznilend Rekuizita”, kompani nga Çairi, e regjistruar para vetëm një muaji, pa dokumente të nevojshme dhe pa leje, pa dokumente të nevojshme për të garantuar siguri, monton rrotë panoramike dhe rekuizite tjera në Karposh para sallës Boris Trajkovski. Qyteti i Shkupit, në korniza të kompetencave ka kryer mbikëqyrje, ka ndërmarrë masa dhe ka gjobitur personin juridik, por ai përsëri me forcë ka vazhduar të punojë”, thonë nga Qyteti i Shkupit.
Nga Qyteti i Shkupit gjithashtu njoftojnë se kanë kërkuar ndihmë nga Inspektorati I Tregut dhe Inspektorati për Ndërtim, ndërsa kërkojnë të veprojnë të gjitha institucionet kompetente.
Televizioni 21 ka pyetur edhe Inspektoratin e Tregut edhe atë të Ndërtimit nëse të njëjtat kanë ndërmarrë çfarëdo mase për të parandaluar këto punime. Nga Inspektorati I Tregut na thane se nesër do të dalin në terren për të vërtetuar gjendjen faktike, dhe do të veprojnë në bazë të kompetencave që kanë.
Televizioni 21 kontaktoi personin përgjegjës të rekuizitave. Ai thotë se i posedojnë të gjitha certifikatat për punë, dhe posedojnë marrëveshjen me qiradhënësin, sepse toka ku i kanë vendosur rekuizitat, është prone private dhe jo e shtetit.
“Kjo është një marrëveshje me prone private, lejet I kemi të gjitha. Certifikatat I kemi për punë. Këto janë lodra të reja. Nuk kemi asnjë problem sepse bëhet fjalë për prone private siç është e deklaruar se qenka prone e shtetit, kjo është prone private. Me kontratë të punës, me regjistrim të firmës e kemi. I kemi të gjitha gjërat, pajisjet licencat, të gjitha që na duhen. Të gjitha lodrat janë të siguruara, janë me certifikata. Për secilin person që argëtohet, nuk ka asnjë problem”, thotë Arsimi – Menaxher i parkut argëtues.
Thotë se për vendosjen e rekuizitave në prone private, nuk u nevojitet pëlqim nga askush.
“Qyteti I Shkupit nuk ka në këtë vend asgjë. Ky vend është privat. Është me licencë, është me leje pune. Nuk është se na është kujtuar neve në ora 2 të natës t’I montojmë lodrat që kushtojnë 4-5 milionë euro. Çfarë mendojnë ata? Se është diçka mere hiqe, të vijnë dhjetë police e ta heqim. Ne me Qytetin e Shkupit nuk kemi asgjë, pëlqim neve nuk na duhet nga askush, nëse ka ankesa, ka polici, ka komunë. Vijnë policia na gjobitin por neve nuk mund të na gjobitë askush se kjo është prone private”, dekalroi Arsimi – Menaxher i parkut argëtues.
Pyetëm qytetarët nëse I mirëpritën këto rekuzita dhe sa ndjehen të sigurt, duke patur parasysh se disa prej tyre janë të kategorisë me rrezik më të lartë dhe ofrojnë më tepër adrenalinë.
-Duhet, duhet për fëmijët e rinj të mund të argëtohen, të çlirohen. Po tani duhet të ketë mbrojtje më të madhe por edhe kështu siç është, mire është.
-Po me siguri që janë të nevojshme sepse fëmijët kanë nevojë për argëtim ndonjëherë, duhet të argëtohen. Për besë nuk e di për siguri nuk e di. Kisha frikë fëmijët kur u ngjitën kur I pash lartësia ishte shumë e madhe, kisha pak frikë por nuk e di fëmijët si janë ndjerë atje.
-Po po, për fëmijët por edhe për më të rriturit sigurisht.
A I konsideroni si të rrezikshme ndoshta për sigurinë?
-Po disa po, për shembull këto këtu nuk kanë rrip të sigurimit.
Siç njoftuan nga parku argëtues, rekuizitat do të qëndrojnë në këtë vend vetëm për një muaj dhe pastaj do të zhvendosen në ndonjë shtet tjetër.