Reagon Aleanca për Shqiptarët: Po mbrohen fajtorët e tragjedisë së Llaskarcës

TË FUNDIT

E pas anulimit të seancës gjyqësore për rastin “Llaskarca”, ka reaguar edhe Aleanca për shqiptarët.
Adnan Neziri nga kjo parti tha se i gjithë opinioni ishin dëshmitarë për një veprim tejet skandaloz të gjykatës. Sipas tij sot edhe një herë u lënduan familjarët e viktimave në tragjedinë e Llaskarcës, përmes anulimit të seancës me arsyetimin më banal, se nuk është kryer superekspertiza.

“Aleanca për Shqiptarët vlerëson se kjo superekspertizë është shpikur pikërisht për këtë qëllim, për të shtyrë seancat dhe për të mbrojtur fajtorët e tragjedisë dhe gjitha parregullsive që lidhen me këtë rast. Përveç kësaj, dje u mbushën 1 vit edhe nga tragjedia me autobusin e “Besa Trans” në Bullgari. As ky e as rasti i Llaskarcës nuk po marrin epilog dhe gjithë kjo falë gjyqësorit të kontrolluar jo vetëm nga politika, por edhe nga grupet e interesit.
Aleanca për Shqiptarët apelon tek organet e drejtësisë që t’i japin fund talljes me viktimat dhe familjarët e tyre.”- deklaroi Adnan Neziri “Aleanca për Shqiptaret”.

error: Content is protected !!