Ish-kryeministri Nikolla Gruevski është i lidhur drejtpërdrejtë me disa keqpërdorime që bëhen në rastin TNT për rrënimin e objektit Kosmo, për veprat për të, si dhe për ish ministrin për transport dhe lidhje, Mile Janakievski, me qëllim që vepra të vjetërsohet, akuzon Fijat Canoski, njeriu i parë i kompanisë FINE. Këtë, siç shpjegon Canovski, e bënë përmes gjykatësit Gjoko Ristov i cili ende është i afërt me Gruevskin. Për nesër Ristov ka caktuar seancë publike për të cilën nuk ka dërguar fare ftesë deri te Canoski, në të cilën thotë se pritet që të sillet vendim për vjetërsimin e lëndës sipas ndryshimeve të kodit penal.
“Ai e caktoi seancën publike dhe nuk kemi të drejtë që dikush të debatojë edhe pse jemi palë, ai vetëm konstaton se me hyrjen në fuqi të nenit 353 të Kodit Penal tashmë nuk ka asnjëfarë nevoje për diskutim dhe debat dhe vepra vjetërsohet. Ai ka interes që ta shpëtojë Nikolla Gruevskin, sipas meje, sipas mendimit tim ai është lojtari që i jep komandat.”- Fijat Canoski, Biznesmen.
Për rastin TNT kishte vendim të shkallës së parë në maj të vitit të kaluar ku Gruevski u dënua me 9 vjet burg dhe Janakievski me 4 vjet. Ish-kryetari i komunës së Gazi Babës, Toni Trajkovski dhe Elisaveta Najdovska, inspektorja e atëhershme e ndërtimit, janë dënuar gjithashtu. Në maj të këtij viti u mbajt seanca publike e Gjykatës së Apelit, pas së cilës gjykatësi Ristov kishte 60 ditë kohë nga 8 maji deri më 8 korrik për ta sjellë aktvendimin, por edhe përkundër kësaj ai vazhdoi ta zvarritë rastin. Canoski beson se edhe sikur të mos ishin ndryshimet në Kodin Penal, Ristov do të kishte vazhduar ta prolongojë lëndën deri në vjetërsim. Ai ka bërë të ditur se do të paraqesë peticion në të gjitha institucionet, ndërsa ndoshta edhe padi ndaj gjykatësit.
“Do t’i drejtohemi të gjitha institucioneve shtetërore, juridike, deri te të gjithë ambasadat dhe institucionet ndërkombëtare. Në fund do të parashtrojmë edhe padi penale për Gjoko Ristov-in për keqpërdorim të detyrës zyrtare, pikërisht ai anëtari i famshëm që është ndryshuar, për të nuk është ndryshuar dhe ende vlen, më ka bërë dëm personalisht mua dhe kompanisë time FINE, do ta kërkoj dëmin personalisht nga ai që të paguaj 11 milion e 200 mijë euro.”- pohoi Fijat Canoski, Biznesmen.
Rasti TNT u parashtrua edhe në gjykatën e Strasburgut në vitin 2013 ku fillimisht u pranua, por më pas në vitin 2017 kur u formua PSP dhe e ndërmori rastin, u tha se mundësitë juridike ende nuk janë absorbuar tërësisht në Maqedoni dhe se ata nuk mund të veprojnë përderisa nuk përfundojë të gjithë instancat gjyqësore.