Emell Ramkovska në emisionin “Click Plus” në TV21 theksoi se gjetën para për të paguar borxhin, por një mesazh nga ish kryeministri Nikolla Gruevski ndryshoi gjithçka.
“Ne u përpoqëm t’i paguajmë, i gjetëm paratë, derisa arritëm në shifrën 9. Kishim miq, partnerë, biznesmenë të cilët komunikonim, ata ishin të gatshëm që të na ndihmonin. Njërit nga të afërmit tanë, i arriti një mesazh nga Nikolla Gruevski për t’u larguar, me çfarë fjalori, në çfarë mënyre dhe me cilat fjalë nuk jam e sigurt, por njeriu u tërhoq”, deklaroi Emell Ramkovkska në emisionin Click Plus në TV21.