Qendra për Shëndet Publik në Kumanovë në 24 orët e fundit i regjistroi 14 pacientë të sapoprekur nga Kovid 19. Pesë prej të infektuarve të rinj janë nga Komuna e Kumanovës dhe nëntë nga Komuna e Likovës, informuan autoritetet e institucionit shëndetësor publik.
Ministria e Shëndetësisë njoftoi sot se dy pacientë nga Kumanova kanë vdekur, te një paciente (64) virusi ishte konfirmuar pas vdekjes ndërsa në spitalin e përgjithshëm në Kumanovë vdiq një pacient 85-vjeçar, i shtruar në spital më 10 qershor.
“Kohët e fundit, qytetarët janë më të ndërgjegjshëm sa i përket testimit, ata pranojnë, megjithëse herë pas here ka njerëz që nuk i thonë të gjitha kontaktet. Ne përpiqemi ta kapërcejmë këtë problem në bashkëpunim me institucionet e tjera”, tha drejtori i Qendrës për Shëndet Publik Kumanovë, Arif Latifi.
Sot janë realizuar 65 teste, 17 prej tyre përmes terminit tim, 46 janë kontrolluese dhe dy sipas indikacioneve epidemiologjike.
Sipas të dhënave të Ministrisë së Shëndetësisë në zonën e Qendrës për Shëndet Publik Kumanovë, numri i përgjithshëm i rasteve të diagnostikuara që nga fillimi i epidemisë është 668, dhe rastet aktive janë 219./MIA