Shumica e çifteve flenë në të njëjtin shtrat, gjë që është krejt normale. Megjithatë, kjo gjë, edhe pse konsiderohet si një reflektim i intimitetit, mund të dëmtojë shumë vetë marrëdhënien, por edhe shëndetin, sipas Stephanie Mackenzie, eksperte për gjumin dhe marrëdhëniet e dashurisë.
Ju mërziteni më shumë njëri-tjetrin
Stephanie thekson se nervozizmi dhe inati mund të ndikojnë në mënyrën se si partnerët do ta trajtojnë njëri-tjetrin. Humori i keq, logjikisht, mund të çojë në grindje më serioze dhe të shpeshta. Terry Crail, një infermiere dhe edukatore klinike për gjumin, mendon në mënyrë të ngjashme.
Dallimet në modelet e gjumit
Çiftet bashkohen në bazë të tipareve dhe preferencave të përbashkëta. Megjithatë, kjo është ajo që i bashkon njerëzit në gjendje të zgjuar dhe pavarësisht se sa të ngjashëm janë partnerët me njëri-tjetrin gjatë ditës, modelet e tyre të gjumit mund të jenë rrënjësisht të ndryshme.
Disa mund të preferojnë të zgjohen më herët ndërsa partnerit të tyre i pëlqen të qëndrojë zgjuar natën vonë. Dikush mund ta ketë më të lehtë të flejë në heshtje të plotë, ndërsa tjetri preferon të dëgjojë tingujt e shiut, oqeanit ose muzikës klasike. Disa flenë në errësirë të plotë, dhe disa e duan dritën e natës.
Dhe në këtë situatë, më së miri do të ishte të flini veçmas, për ta përshtatur gjumin me veten tuaj. Kështu do të jeni të dy të lumtur dhe intimitetin dhe shkëmbimin e butësisë mund ta lini për mëngjes.
Mund të shtoni peshë
Sipas Dr. Kent Smith, ekspert i gjumit, 30 minuta më pak gjumë gjatë natës gjatë vitit çon në një rritje të obezitetit me 17 për qind dhe një rritje të rezistencës ndaj insulinës me 39 për qind. Mackenzie shpjegon se kjo do të thotë se ata që duan të mbajnë ose të humbin peshë duhet të kenë gjumë të mjaftueshëm.
Mund të ndiheni klaustrofobik
“Për disa njerëz, koha e gjumit është mundësia më e mirë për të qenë vetëm. Për këta njerëz, ndarja e një shtrati me një partner mund të ndërhyjë në kohën që ata lënë mënjanë për veten dhe të shkaktojë një ndjenjë klaustrofobie në marrëdhënie, e cila nga ana tjetër mund të çojë në stres. Nëse ndjenja të tilla vazhdojnë të zhvillohen, ka të ngjarë që marrëdhënia të mos zgjasë”, thotë Maria Sullivan, një eksperte marrëdhëniesh.