Prezantohet programi IPARD 3/ 210 milionë euro për sektorin e bujqësisë

Kryeministri i Dimitar Kovaçevski së bashku me ministrin e bujqësisë Lupço Nikollovski, prezantuan programin IPARD 3 , program përmes të cilit, sektorit të bujqësisë u ofrohen subvencione, me qëllim zhvillimin e bujqësisë. Për këtë qëllim, nga Bashkimi Evropian janë siguruar 97 milionë euro mjete të pakthyeshme, ndërsa 31 milionë euro të tjera do t’i ofrojë Maqedonia e Veriut. Së bashku me 82 milionë euro përmes pjesëmarrjes së shfrytëzuesve, shuma totale e investimeve arrin 210 milionë euro.

“Është publikuar thirrja e parë nga programi IPARD 3. Me këtë, edhe zyrtarisht jemi shteti i parë që fillon me realizimin e programit IPARD 3. 30 milionë euro, 30 milionë para europiane nga sot deri më 1 nëntor janë në dispozicion për agro-sektorin. Kjo thirrje mbështetë investime në gjithçka, agro-sektorin dhe zhvillimin rural e për të cilat kemi potencial të madh. I gjithë programi nga IPARD 3, së bashku me bashkëfinansimin nga aplikantët do të arrijë 210 milionë euro investime.”- deklaroi Lupço Nikollovski, Ministër I Bujqësisë.

50% e mjeteve për bujqit do të jepen menjëherë sapo të nënshkruhet kontrata. Sipas kryeministrit Kovaçevski, qëllimi është që bujqësia edhe ekonomia të avansohet dhe zhvillohet përmes anëtarësimit në BE sepse kjo do të sillte përfitime shumë më të mëdha nga fondet europiane.

“Qëllimi ynë është që IPARD 3 programi të jetë më i suksesshëm. Shfrytëzimi i mjeteve kuptohet të jetë përsëri 100% prej atyre që kemi marë nga Bashkimi Europian. Për këtë shkak parashikuam edhe pagesën parakohe të mjeteve me çka, më tepër do t’i motivojmë bujqit për investim. Qëllimi përfundimtar është bujqit tanë, ekonomia jonë, të përjetojë përparim dhe zhvillim përmes realizimit, anëtarësim i plotë në Bashkimin Europian. Sepse hyrja në Bashkimin Europian sjellë më tepër përfitime dhe sjellë mjete finansiare nga fondet e BE-së.”- tha Dimitar Kovaçevski, Kryeministër i RMV-së.

U prezantuan edhe rezultatet e suksesshme nga masa e mëparshme IPARD 2, ku ishin nënshkruar gjithsej 2365 marrëveshje ndërsa vlera e tyre me bashkëfinansim ka arritur 83.2 milionë euro.