Pompeo sërish akuzon Kinën për pandeminë me COVID-19

TË FUNDIT

Sekretari amerikan i shtetit, Majk Pompeo, sërish e akuzoi Pekinin për shpërthimin e pandemisë me Kovid-19 dhe se e shfrytëzon situatën për sulm ndaj fqinjëve, edhe pse paraprakisht e përshëndeti ndihmën me pajisje mjekësore.

Pompeo deklaroi se SHBA-ja beson se Kina nuk e ka njoftuar botën me kohë për infektimin, me çka i ka shkelur rregullat e Organizatës botërore të shëndetësisë, dhe nuk ka kumtuar se koronavirusi i ri transmetohet prej njeriut në njeri, derisa nuk është përhapur në të gjitha provincat kineze.

Sipas Pompeos, Kina ka ndërprerë me testimin e mostrave të reja të virusit, duke i shkatërruar njohuritë ekzistuese, që nuk janë ndarë me botën e jashtme, me çka ka pamundësuar të ndiqet evoluimi i sëmundjes.

“Kina nuk i ndau të gjitha informatat që i ka pasur. Në vend të kësaj, ka fshehur sa është i rrezikshëm infektimi”, tha Pompeo.

Ai e akuzoi edhe drejtorin e përgjithshëm të OBSH-së, Tedros Adanom Gebreisus, pasi nuk e ka akuzuar publikisht Kinën, vend anëtar i OBSH-së, për shkak të mosrespektimit të rregullave, edhe pse Organizata ka obligim të sigurojë harmonizim mes standardeve të sigurisë në laboratoret për virologji.

Në pyetjen për pajisje mjekësore që SHBA e merr nga Kina, Pompeo tha se pret që Kina të vazhdojë t’i plotësojë obligimet e saj nga marrëveshjet./MIA