Intervistimi i ish-komandantit të UÇK-së, Agim Çeku, nga Gjykata Speciale ka përfunduar. Këtë e ka konfirmuar për portalin rtv21.tv avokati i tij, Artan Qerkini. Çeku në cilësinë e të dyshuarit ka dhënë intervistë para Prokurorit të Speciales. “Z. Çeku është paraqitur para Prokurorit sot me dt. 28.09.2020. Intervistimi i tij ka përfunduar. Kjo është e tera që mund të ju themi për momentin”, ka thënë Qerkini. Sot paraqitjen e parë do ta bëjë edhe Salih Mustafa, i arrestuari i parë i Gjykatës Speciale./21Media