Për gjashtë muaj dorëzohen 120 kërkesa për ndihmë juridike falas deri te Ministria e Drejtësisë

Në pajtim me Ligjin për ndihmë juridike falas, gjithsej 120 kërkesa për ndihmë juridike dytësore janë dorëzuar në Ministrinë e Drejtësisë në gjashtë muajt e parë të këtij viti, ndërsa mbi 709 mijë denarë janë paguar si shpërblim për 26 avokatë dhe 34.125 denarë për tre shoqata të autorizuara, njoftojnë nga projekti “Mbështetje për qasje më të mirë në shërbimet më të mira për ndihmë juridike falas në Maqedoninë e Veriut”.

Ndihma juridike falas është e drejtë e personave në një situatë të vështirë financiare që të kenë qasje në ndihmë juridike dhe të lirohen nga pagimi i shpenzimeve për kryerjen e procedurave të caktuara.

Në periudhën nga 1 janari deri më 30 qershor të vitit 2020, gjithsej prej 120 kërkesa për ndihmë juridike dytësore janë dorëzuar në Ministrinë e Drejtësisë, nga të cilat 71 kërkesa u miratuan, 29 kërkesa u refuzuan, 13 kërkesa në procedurë, pesë kërkesa u ndaluan dhe dy u tërhoqën.

“Në të njëjtën periudhë, mjetet u janë paguar si shpërblim 26 avokatëve në vlerë prej 709.065,00 denarë, si dhe janë kompensuar 3 shoqata të autorizuara, një shumë në vlerë prej 34.125,00 denarë”, thuhet në kumtesë.

Ndihma juridike falas ofrohet si ndihmë juridike primare dhe dytësore.

Projekti “Mbështetje për qasje më të mirë në shërbime me cilësi më të mirë për ndihmë juridike falas në Maqedoninë e Veriut” është pjesë e programit “Instrumenti horizontal për Ballkanin Perëndimor dhe Turqinë II 2019-2022”, një projekt i përbashkët i Bashkimit Evropian/Këshillit të Evropës i zbatuar nga Këshilli i Evropës, që synon të ndihmojë vendet përfituese të Evropës Juglindore për të arritur standardet evropiane dhe Akito të Bashkimit Evropian, si pjesë e procesit të zgjerimit.