Ligji për diskriminim ishte hap i madh në lidhje me arritjet e parimeve dhe rregullave evropiane dhe disa parlamente evropiane atë na e parashtruan si kusht formal për datë të negociatave me BE-në, deklaroi presidenti Stevo Pendarovski, duke u përgjigjur në pyetjen e gazetarëve pas mbledhjes së sotme të Këshillit të Sigurisë.
Ai shfaqi pritje se Parlamenti i ardhshëm atë çështje do ta vendosë në një nga mbledhjet më urgjente, sepse, siç theksoi, të jesh kundër ligjit me përmbajtje të tillë në shekullin 21, madje edhe në Ballkan është e turpshme.
I pyetur për atë se si ka ndodhur të nënshkruajë dekret për Ligjin e diskriminimit që nuk ishte vendosur me numrin e nevojshëm të votave, Pendarovski, tha se atje ekziston një e pavërtetë flagrante, ku në një frazë flitet se ” faji” për atë punë është në Kabinetin e presidentit të shtetit dhe në Kuvend.
“Faj në kabinetin e presidentit dhe te unë nuk ka, ndërsa faj ka te shërbimet kuvendore dhe atje ku e quajmë Parlament i shtetit. Ku dhe si , do të pyetni atje”, tha Pendarovski.
Si dëshmi për atë, Pendarovski potencoi se Ligji nuk është nënshkruar nga Ivanovi dhe konsiderohet se ka veto dhe kthehet prapa në Kuvend, kur ata mendojnë se ligji i votuar me shumicë të zakonshme mund të votohet me shumicën e njëjtë, megjithatë Kushtetuta është absolutisht e qartë edhe për këtë kategori të ligjeve nëse është kthyer nga presidenti duhet të ketë 61 vota.
“Në atë kohë, kur ndodhte kjo, këshilltarët e mi komunikonin me njerëzit në Kuvend që t’u thonë se është bërë gabim procedural, megjithatë kjo nuk kishte efekt dhe erdhi te unë për nënshkrim. Kur vjen për herë të dytë ligji te unë, unë nuk kam të drejtë ta refuzoj për nënshkrim. Nuk mundem ta refuzoj, duhet ta nënshkruaj megjithëse Gjykata Kushtetuese e refuzoi, sipas meje me bazë të qartë të kristaltë juridike”, deklaroi Pendarovski./MIA