“Ngrihu agimi i lirisë”
Me këto vargje filloi seanca e Kuvendit Antifashist të Çlirimit Kombëtar të Maqedonisë (KAÇKM). Sot, pas 79 vitesh, në të njëjtin vend u takuan presidenti i Maqedonisë dhe ai i Serbisë, Stevo Pendarovski dhe Aleksandar Vuçiq.
-Presidenti Pendaroski ka këndvështim europian, nuk puth duar, unë jam nga populli ynë, serb.
-Unë jam gjysmëballkanas.
Pas takimit dypalësh, të dy presidentët konfirmuan marrëdhëniet e jashtëzakonshme që ekzistojnë mes dy vendeve. Pendarovski theksoi se fakti që manastiri tani gjendet në territorin e huaj nuk do të thotë që maqedonasit të mos vijnë dhe të festojnë festën më të madhe kombëtare dhe në këtë mënyrë t’i respektojnë ata që e bënë atë akt shtetformues.
“Kur je i mirëpritur në territorin e një vendi tjetër nga presidenti i atij vendi, për një akt që ka rëndësinë më të madhe për ty, për popullin tënd dhe për vendin tënd, asgjë tjetër veçse një falënderim i madh për Presidentin Vuçiq. Vitin e kaluar thashë se më vjen mirë që kjo vërtetohet dhe shpresoj që derisa jemi gjallë, ndër shekuj siç themi ne, do të mbetet kështu dhe kjo do të jetë një traditë e mirë që nuk do të ndërpritet nga politika, kisha apo ndonjë arsye tjetër.”- deklaroi Stevo Pendarovski, president RMV.
Vuçiq tha se është kënaqur kur sot në mëngjes ka parë njerëz që flasin maqedonisht, duke shtuar se dy vendet janë miqësore me marrëdhënie vëllazërore dhe dëshmi për këtë është shkëmbimi tregtar prej 1.5 miliardë në vit.
“A duhet të them maqedono-veriorët?”
-Unë nuk e kam problem me këtë, shoh se si Stevo i zgjedh fjalët e tij si një president modern europian, kështu që të gjitha janë të paketuara mirë, duke pasur kujdes nëse e thotë këtë apo atë fjalë. Unë jam për këtë hapësirë ballkanike. Dhe unë vërtet mendoj kështu. Dhe nuk do të merrem me gjëra të vogla, siç bën ai-tha Aleksandar Vuçiq, President I Serbisë.
E Vuçiq mburrej se ka mësuar edhe gjuhën maqedonase.
“Ta gëzoni Ilindenin përjetë, vatër e atdheut dhe uroj gëzuar festën dhe të ndiheni gjithmonë të mirëpritur dhe vërtet kështu është kudo në territorin e Serbisë.”- tha Aleksandar Vuçiq, President I Serbisë.
Pas fjalimit para mediave, dy presidentët, Pendarovski dhe Vuçiq janë nisur për në Vranjë, ku sërish do të diskutojnë për marrëdhëniet e përbashkëta mes dy vendeve.
A.Vuçiq: Ju thatë se nuk kishte pyetje.
S. Pendarovski: Jo?! Mirupafshim.
A. Vuçiq: Epo njerëzit e tu të protokollit thanë se nuk ka… Nuk është problem për mua. Mezi pres… mezi pres. Epo mirupafshim.