Pelegrinët e huaj myslimanë janë lejuar në Xhaminë e Madhe në Mekë për herë të parë që nga vendosja e kufizimeve të koronavirusit shtatë muaj më parë.
Nga e diela, rreth 10,000 pelegrinë nga jashtë u lejuan të kryenin pelegrinazhin Umrah, të cilin myslimanët mund ta bëjnë tradicionalisht në çdo kohë.
Ata duhej të vetë-izoloheshin për tre ditë pasi mbërritën në Arabinë Saudite para se të lejoheshin të praktikonin ritualin rreth Qabës, transmeton tv21.tv.
Arabia Saudite po hap sërish ngadalë xhamitë e saj pas relaksimit të kufizimeve të koronavirusit.
Banorët sauditë u lejuan të kryenin Umren në tetor.
Vetëm 10,000 banorë myslimanë sauditë u lejuan të kryenin pelegrinazhin vjetor të Haxhit në korrik të këtij viti, shumë më pak se milionat që kanë marrë pjesë në vitet e mëparshme./21Media
