Kryeministri armen, Nikoll Pashiniani, në një fjalim televiziv sot deklaroi se jep dorëheqje që të mundet në vend të mbahen zgjedhjet e parakohshme parlamentare.
“Sot po e jap dorëheqjen me qëllim që të mbahen zgjedhjet e parakohshme parlamentare më 20 qershor”, tha Pashinian, i transmetuar nga mediat ruse.
Pashiniani paraprakisht deklaroi se zgjedhjet e parakohshme parlamentare do të mbahen më 20 qershor. Ai, gjithashtu, tha se formalisht dorëheqjen do ta japë në prill, me qëllim që të fillojë mekanizmi i shpërndarjes së parlamentit, por se qeverinë do ta kryesojë deri në zgjedhjet në qershor.
Sipas ligjit armen, zgjedhjet e parakohshme parlamentare mbahen jo më herët se 30 dhe jo më vonë se 45 ditë pas shpërndarjes së parlamentit.
Mekanizmi për shpërndarjen e kuvendit mund të iniciohet formalisht pas dorëheqjes.