Pas shkurtit ulje e çmimeve të kompanive të vogla/ VMRO-DPMNE: Çmimi nuk ulet, dyfishohet tarifa e lirë dhe tarifa e lartë

Qytetarët mos të presin që menjëherë të ulen çmimet e shërbimeve që japin kompanitë e vogla dhe të mesme, sepse për këtë duhet një periudhë e caktuar. Kështu tha këshilltari për energjetikë në Qeveri, Viktor Andov, sipas së cilit faturat e para me uljen e çmimit të rrymës, kompanitë do t’i marrin në shkurt.

“Duke pasur parasysh se këto çmime do të hyjnë në fuqi nga 1 janari dhe ato kompani do t’i marrin faturat e para gjatë muajit shkurt, nevojitet një periudhë mujore. Ne do të ndjekim gjatë asaj periudhe pasi të hyjë në fuqi çmimi i ri. Natyrisht, qeveria ka një mekanizëm monitorues përmes inspektorateve kompetente për të monitoruar çmimet e shërbimeve dhe nëse konstaton se tregtarët nuk ulin çmimet e produkteve të tyre, ekzistojnë mekanizma për të kufizuar çmimet apo marzhat, siç është bërë edhe më parë”- deklaroi Viktor Andov, këshilltar i energjetikë në Qeveri.

Por VMRO-DPMNE thonë se Qeveria gënjen kur thotë se është ulur çmimi i energjisë për kompanitë e vogla dhe për amvisëritë. Thonë se pikërisht në faturat e para që do të ju vijnë qytetarëve në muajin shkurt do të shihet se gënjeshtër është ulja e çmimit të rrymës.
“Si e ka llogaritur LSDM uljen e çmimeve kur nga të gjithë elementët që formojnë çmimin do të ulet vetëm tarifa e transmetimit dhe shpërndarjes, ndërsa të gjithë elementët e tjerë do të rriten, përfshirë edhe TVSH-në?”- thonë nga VMRO-DPMNE.
Komisioni Rregullator për Energjetikë dje kumtoi se për ndërmarrjet e vogla dhe të mesme, nga 1 janari do të këtë ulje të çmimit të energjisë elektrike për 20.15 %. Kjo ulje do të zbatohet për 70 000 kompani në vend të cilat përfshijnë shitore të vogla, floktari e kafene të vogla.