Të gjitha ndërtesat banesore në të ardhmen do të duhet të ndërtohen me nxehje qendrore. Kjo risi do të dal nga Ligji i ri për ndërtim. Në lidhje me këtë sot biseduan Kryetari i shoqatës së ndërtimtarëve pranë Odës ekonomike dhe Kryetari i Komisionit rregullator për energjetikë.
“Kishim takim konstruktim, u dakorduam që të veprojmë së bashku gjatë krijimit të kushteve që kanë të bëjnë me nxehjen qendrore me Ligjin e ri për ndërtim dhe shpresoj se do të kemi sukses të përbashkët dhe do të sigurojmë kushte më të mira për qytetarët”, deklaroi Andrea Serafmovski – Kryetar i Shoqatës së Ndërtimtarëve.
Ndërtimi cilësor e jo lokacioni duhet të jetë prioritet gjatë blerjes së banesave, theksoi Serafimovski. Kryetari i Komisionit rregullator për energjetikë, Marko Bislimovski, e theksoi nevojën për vendosjen e rendit në mënyrën e nxehjes së qytetarëve në gjithë territorin e shtetit.
“Qëllimi kryesor është që të sigurojmë në territorin e gjithë vendit të ndërtohen rrjete që do të sigurojnë ambient më të pastër jetësor dhe që do të jenë me efikasitet energjetik, ndërsa çmimi i burimeve energjetike që i përdorin qytetarët të mos jenë ngarkesë shtesë. Me rritjen e numrit të shfrytëzuesve në sistemin për energji për nxehje do të kemi çmime më të ulëta të energjisë për konsumatorët final”, deklaroi Marko Bislimovski – Kryetar i KRRE.
Sistemin e organizuar të energjisë për nxehje nuk e pranojnë numër i caktuar i njësive banesore, shpjegon Bislimovski.
“Sipas analizave që i morëm nga ana e BEG, kanë dalë në terren dhe po bëhen instalime, ndërsa rreth 15-20 ndërtesa nuk pranojnë të lidhen në sistemin e organizuar për nxehje qendrore”, potencoi kryetari i KRRE, Marko Bislimovski.
Serafimovski beson se arsyeja për këtë është me karakter ekonomik. Bislimovski shtoi se me ndryshimet në Ligjin për Ndërtim, qytetarët dhe ndërmarrjet e ndërtimit do të jenë të detyruar të lidhen me sistemin e nxehjes qendrore. Për të inkurajuar lidhjen, siç informoi Bislimovski, çmimi për kilovat është ulur nga 3,160 denarë në 2,000 denarë. Sipas Ligjit të ri për ndërtimin është e domosdoshëme të dy palët të bien dakord, sepse siç thonë ata, në këtë mënyrë edhe kompanitë e ndërtimit do të veprojnë në të njëjtën mënyrë dhe sipas rregullave të njëjta.