VLEN-i për zgjedhjet në Bërvenicë: Na treguan se vendi jonë ka ende shumë punë për të bërë

0

Koalicioni VLEN ka dalë me reagim zyrtar pas përmbylljes së procesit zgjedhor në Bërvenicës.

Nga ky koalicion, vlerësojnë se zgjedhjet në Bërvenicë “u zhvilluan në një proces të lirë dhe demokratik, pa incidente dhe pa shkelje të rregullave zgjedhore”.

Më tej në reagim thuhet:

“Në demokraci, vullneti i qytetarëve është dhe duhet të mbetet mbi çdo interes, dhe në demokracitë lokale, vullneti qytetar është dhe duhet të jetë jopartiak.

Asnjë parti politike nuk i kontrollon votat dhe nuk mund të pretendojë pronësinë mbi to. Votat u përkasin qytetarëve, të cilët janë të lirë të vendosin se kujt do t’ia besojnë mbështetjen e tyre. Ky është parim demokratik që duhet respektuar nga të gjithë”.

Megjithatë shtojnë se zgjedhjet në këtë komunë “na treguan se vendi jonë ka ende shumë punë për të bërë deri në ndërtimim e një modeli qytetar e gjithpërfshirës”.

“Sepse, një model qytetar nuk mund të ndërtohet duke bërë thirrje për votim etnik bashkë me LSDM e Levicën. Sepse, aty ku është Levica nuk janë shqiptarët! Sepse, në shoqëritë me diversitet etnik çdo aksion prodhon një reaksion. Sepse, qasja e tillë rrezikon të krijojë qarkun e mbyllur të retorikës nxitëse dhe polarizuese dhe të thellojë ndarjet etnike. Për pasojë, në vend të progresit, do të kemi regres.

Në fund, falënderojmë të gjithë qytetarët që morën pjesë në procesin zgjedhor dhe shfrytëzuan të drejtën e tyre demokratike për të votuar”, përfundojnë nga VLEN-i.

Moti i vranët me reshje të herëpashershme shiu

0

Moti sot në Maqedoninë e Veriut do të jetë kryesisht i vranët, me reshje të herëpashershme shiu, të cilat lokalisht do të jenë më të dendura, me mbi 15 litra shi për metër katror.

Do të fryjë erë e lehtë deri në mesatare nga drejtimi verilindor. Temperaturat minimale do të lëvizin nga 6 deri në 11 gradë, ndërsa maksimalet nga 12 deri në 17 gradë Celsius.

Në Shkup pritet mot kryesisht i vranët, me reshje të herëpashershme shiu dhe erë të lehtë nga drejtimi verior. Temperatura minimale do të zbresë në 7 gradë, ndërsa maksimalja do të arrijë deri në 16 gradë Celsius.

Sipas Drejtorisë për Punë Hidrometeorologjike (DPHM), moti i vranët dhe më i freskët me reshje shiu do të vazhdojë edhe nesër. Lokalisht priten reshje më të dendura, me mbi 20 litra shi për metër katror, veçanërisht gjatë ditës së nesërme.

Nga e mërkura deri në fillim të fundjavës, moti do të jetë i qëndrueshëm dhe i thatë, me vranësira të ndryshueshme, të cilat gradualisht do të pakësohen drejt së shtunës. Era do të fryjë nga drejtimi verior, ndërsa do të jetë më e theksuar përgjatë luginës së Vardarit.

Ahmeti: Nga nesër, Arkini është përfaqësues i të gjithë qytetarëve të komunës së Bërvenicës

0

Kryetari i BDI-së, Ali Ahmeti, pas fitores së Arkin Jahijit në zgjedhjet lokale në Komunën e Bërvenicës, ka përcjellë mesazhin se kryetari i ri duhet të jetë përfaqësues i të gjithë qytetarëve, pa dallim përkatësie etnike apo politike.

“Arkini sot është përfaqësues i të gjithë qytetarëve të komunës. Nga nesër, ai do t’i përveshë krahët dhe do të zbresë në terren së bashku me bashkëpunëtorët e tij, për të punuar dhe për të realizuar programin dhe premtimet që ka dhënë para votuesve. Unë ju siguroj se vota juaj do të jetë në dobi jo vetëm të votuesve të Arkin, por të gjithë banorëve të Komunës së Bërvenicës, pavarësisht se cilit komunitet i përkasin. Bërvenica është e të gjithëve. Të uroj punë të mbarë. Arkin, bashkë me të gjithë ata që presin realizimin dhe zbatimin e programit për të cilin ti je zotuar para çdo qytetari. Zoti të ndihmoftë!”, deklaroi Ahmeti, duke theksuar rëndësinë e bashkëpunimit dhe të qeverisjes në interes të të gjithë banorëve”, tha Ahmeti.

Bërvenica me kryetar të ri, Arkin Jahiji fitoi zgjedhjet me 265 vota diferencë

0

Arkin Jahiji nga Aleanca Kombëtare për Integrim (AKI), e udhëhequr nga BDI-ja, do të marrë drejtimin e Komunës së Bërvenicës, pasi fitoi në raundin e dytë të zgjedhjeve të jashtëzakonshme lokale, përcjell TV21. Jahiji ka siguruar 4.442 vota, ndërsa kundërkandidati i tij, Stojançe Radiçevski nga VMRO-DPMNE, ka marrë 4.177 vota. Sipas rezultateve të përpunuara, janë regjistruar edhe 203 fletëvotime të pavlefshme. Dalja në votime në raundin e dytë ishte rreth 10 pikë përqindjeje më e lartë krahasuar me raundin e parë. Jahiji në fjalimin e tij pas fitores falënderoi të gjithë qytetarët, pa dallim feje apo kombësie.

Haaland ‘i rrëmben’ kurorën Cristiano Ronaldos, e mposht në garën e imazhit

0

Erling Haaland po konfirmon se ndikimi i tij shkon përtej fushës së lojës. Sulmuesi norvegjez i Manchester Cityt ka lënë pas Cristiano Ronaldon në renditjen e futbollistëve më të marketueshëm në botë, sipas klasifikimit të fundit të publikuar nga revista SportsPro.

Në listën e vitit 2026, Haaland renditet në vendin e katërt në klasifikimin e përgjithshëm të sportistëve, duke qenë futbollisti i vetëm në dhjetëshen e parë. Në krahun tjetër, Cristiano Ronaldo ka pësuar një rënie të ndjeshme, duke zbritur nga vendi i pestë që mbante një vit më parë në pozicionin e 14-të.

Renditja bazohet në disa kritere, mes tyre fuqia e markës personale, ndikimi, potenciali i rritjes dhe mundësitë komerciale që ofron secili sportist. Në studim janë analizuar 1,202 atletë nga 70 sporte të ndryshme, duke u mbështetur në të dhënat e periudhës korrik 2025 – qershor 2026.

Një rol në rritjen e popullaritetit të Haalandit ka luajtur edhe prania e tij në platformat digjitale. Kanali i sulmuesit në YouTube, i hapur në tetor 2025, ka grumbulluar rreth 4.6 milionë abonentë dhe afro 250 milionë shikime.

Pas norvegjezit, futbollisti i radhës në klasifikim është Kylian Mbappé, në vendin e 19-të, i ndjekur nga Vinicius Junior në vendin e 20-të dhe Lamine Yamal në të 23-in. Lionel Messi pozicionohet në vendin e 27-të.

Duhet theksuar se ky klasifikim nuk përcakton pasurinë apo të ardhurat e sportistëve, por mat fuqinë e tyre si marka dhe potencialin për të gjeneruar vlerë në tregun komercial. Ronaldo, pavarësisht rënies në renditje, vazhdon të mbetet një prej emrave më të njohur dhe me ndikim në sportin botëror.

Mickoski: Qeveria do të mbështesë të gjithë banorët e Bërvenicës, pavarësisht se si kanë votuar!

0

Kryeministri Hristijan Mickoski ka reaguar pas humbjes së kandidatit të VMRO-DPMNE-së në zgjedhjet lokale në Bërvenicë, përcjell TV21.Mickoski akuzoi kundërshtarët për përdorim të kartës nacionaliste dhe për përfshirjen e kandidatëve që, sipas tij, synonin të tërhiqnin votat. Ai falënderoi qytetarët dhe premtoi se Qeveria do të mbështesë të gjithë banorët e Bërvenicës, pavarësisht se për kë kanë votuar.

“Të vetëm kundër të gjithëve. Ne me program zgjedhor dhe koncept, ata me mbështetjen e demografisë, kartën nacionaliste dhe nga ndonjë kalë trojan për të tërhequr votat. Megjithatë, rritja e votave nga raundi i parë është e qartë dhe e pastër, nga 3.000 në 4.200, ndërsa krahasuar me zgjedhjet parlamentare kemi rritje prej 1.300 votash, por fatkeqësisht jo të mjaftueshme për një fitore të plotë. Faleminderit të gjithë banorëve të Bërvenicës që votuan për ne, por edhe atyre që nuk votuan. Të gjithë banorët e Bërvenicës do ta kenë mbështetjen e Qeverisë. Një Bërvenicë për të gjithë është më shumë se një koncept, është mënyrë e të punuarit”, shkroi Mickoski.

Imeri Stafai pas zgjedhjeve në Bërvenicë: Ne nuk ndërtojmë politikë mbi armiqësi dhe përjashtim!

0

Deputetja e VLEN-it, Saranda Imeri Stafai, ka reaguar pas zgjedhjeve në Bërvenicë, duke theksuar se subjekti që përfaqëson nuk mbështetet në ideologji marksiste-leniniste, përcjell TV21. Ajo tha se VLEN beson në demokraci, pluralizëm, lirinë e mendimit dhe respektin për qytetarët, ndërsa kritikoi ideologjitë që, sipas saj, ndajnë shoqërinë dhe nxisin përjashtimin. “Ne përfaqësojmë një frymë tjetër”, shkroi Imeri Stafai.

“Vetëm kundër të gjithëve”, VMRO-DPMNE: VLEN, LSDM dhe Levica, “Kali i Trojës” në Bërvenicë! Qeveria do të vazhdojë mbështetjen

0

VMRO-DPMNE ka pranuar humbjen në zgjedhjet lokale në Bërvenicë, duke falënderuar qytetarët që votuan për kandidatin e saj, Stojanço Radiçevski. Partia pretendon se ka fituar 1.300 vota më shumë krahasuar me zgjedhjet e fundit parlamentare, ndërsa akuzon BDI-në për nxitje të ndarjeve etnike dhe LSDM-në e Levicën për ndarjen e votave në favor të saj. VMRO-DPMNE thotë se respekton vullnetin e qytetarëve dhe se do të vazhdojë të investojë në Bërvenicë.

“Një falënderim i madh për çdo banor të Komunës së Bërvenicës që votoi për kandidatin tonë, Stojanço Radiçevski, i cili në programin e tij premtoi një të ardhme më të mirë, më shumë projekte infrastrukturore dhe rrugë të reja. Në kundërshtim me ndarjet përgjatë vijave etnike nga Bashkimi Demokratik për Integrim, të mbështetur drejtpërdrejt dhe tërthorazi në raundin e dytë nga LSDM, Levica dhe VLEN. Ndërsa ne theksuam fuqinë e unitetit për një Bërvenicë për të gjithë, kundërshtarët tanë shfrytëzuan sa më shumë nacionalizmin dhe bënë thirrje që votimi të bazohej në përkatësinë etnike, në vend të një programi, vizioni dhe projektesh. Pas këtyre zgjedhjeve, qytetarët maqedonas dhe shqiptarë do të presin projekte, jo nacionalizëm. Do të presin rezultate, jo demagogji se nga cila parti politike vjen kryetari i komunës. Për ne, rezultati është më shumë se i shkëlqyer, sepse, krahasuar me zgjedhjet e fundit parlamentare, kemi 1.300 vota më shumë. Edhe pse kjo nuk mjaftoi për fitore, VMRO-DPMNE ka shënuar rritje në numrin e votave të fituara. Të nderuar qytetarë, në raundin e parë të këtyre zgjedhjeve të parakohshme lokale, ne i mposhtëm plotësisht kundërshtarët tanë të drejtpërdrejtë, LSDM-në dhe partinë politike Levica, të cilat u renditën në vendin e katërt dhe të pestë. Më vjen keq që VLEN në Bërvenicë humbi mundësinë të ishte ndryshe nga BDI-ja, ashtu siç u bë e qartë edhe se kandidatët e LSDM-së dhe Levicës ishin kuaj trojanë në favor të Bashkimit Demokratik për Integrim, për të ndarë votat. Vetëm kundër të gjithëve. Ne respektojmë rezultatin dhe vullneti i qytetarëve është suprem. Megjithatë, Bërvenica nuk do të harrohet. Qeveria e udhëhequr nga kryeministri Mickoski do të vazhdojë të mbështesë dhe të investojë në zhvillimin e Bërvenicës.

Jotova fiton zgjedhjet presidenciale në Bullgari

0

Ilijana Jotova është fituese e zgjedhjeve presidenciale në Bullgari, sipas rezultateve të numërimit paralel të votave nga agjencia “Alpha Research”, të publikuara nga Televizioni Kombëtar Bullgar (BNT).

Sipas rezultateve nga 100% e mostrës së përpunuar të numërimit paralel, deri në orën 20:00 sipas kohës lokale, Jotova dhe kandidati për nënpresident, Kiril Vëlçev, kanë siguruar 57,4% të votave.

Kundërkandidatët e tyre, Andrej Gjurov dhe Georgi Kandev, kanë marrë 39,6% të votave.

Rezultatet bazohen në numërimin paralel dhe jo në rezultatet përfundimtare zyrtare

Grabitje në shtëpinë e Eder Militaos gjatë El Clasicos, vidhen sende luksoze mbi 350 mijë euro

0

Shtëpia e mbrojtësit të Real Madridit, Eder Militao, është bërë cak i një grabitjeje gjatë zhvillimit të El Clasicos së fundit, ndërsa hajdutët kanë arritur të vjedhin sende luksoze me vlerë mbi 350 mijë euro.

Sipas gazetës spanjolle “El Mundo”, në mesin e sendeve të vjedhura janë dy orë luksoze të markave Rolex dhe Richard Mille, tri çanta Chanel, si dhe unaza e byzylykë Cartier.

Ajo që e bën edhe më shqetësuese ngjarjen është se familjarët e futbollistit ndodheshin në katin e poshtëm të shtëpisë, duke ndjekur ndeshjen, pa e kuptuar se në katin e sipërm po kryhej grabitja.

Alarmi i sigurisë ishte i çaktivizuar, ndërsa familjarët u njoftuan për atë që kishte ndodhur vetëm pas mbërritjes së policisë.

Militao ka angazhuar tashmë një specialist për të ndihmuar në gjetjen dhe rikuperimin e sendeve të vjedhura, disa prej të cilave kanë edhe vlerë të madhe sentimentale për futbollistin.