Bujar Osmani publikoi planin prej 9 pikëve për de-eskalimin dhe normalizimin e tensioneve në veri të Kosovës. Plani, siç thuhet në kumtesën e MPJ-së, është në drejtim të arritjes së paqes së përhershme dhe stabilitetit në veri të Kosovës dhe kthimin e serbëve të Kosovës në institucionet dhe proceset demokratike.
“Si pikë e parë, plani kërkon që Kosova dhe Serbia të riаfirmojnë angazhimin e tyre ndaj Marrëveshjes Themelore dhe Protokollit të Ohrit. Së dyti, Kosova duhet të tërheqë forcat e saj speciale policore, kurse Serbia duhet të ulë gatishmërinë luftarake të forcave të armatosura. Së treti, policisë së “për rendin dhe sigurinë e vendit. Së katërti, të anulohen protestat dhe të vihen në funksion shërbimet komunale për funksionimin normal të jetës shoqërore dhe njëkohësisht t’u lejohet qasje punonjësve në komuna”, thonë nga Ministria për Punë të Jashtme.
Pika e pestë, kryetarët e komunave të japin dorëheqje deri në verën e këtij viti, duke i hapur rrugën zgjedhjeve të parakohshme komunale.
OSBE do të mbështesë procesin zgjedhor, përmes mbështetjes teknike të autoriteteve kosovare që do të organizojnë zgjedhje, duke forcuar legjitimitetin dhe besimin ndërmjet komuniteteve dhe do të angazhojë të rinjtë në programet dhe proceset e pajtimit. Hapi i fundit ka të bëjë me atë që OSBE-ja do të vë në dispozicion kapacitetet e saj për të mbështetur zbatimin, me vullnet të mirë nga të dyja palët, e dispozitave të dakorduara dhe vazhdimin e dialogut.
Në intervistë për REL, presidenti i Maqedonisë, Stevo Pendarovski ka deklaruae se në mënyrë aktive po ndjek situatën në Kosovë.
“Si anëtare e NATO-së e ndjekim drejtpërdrejtë. Edhe si anëtare e Aleancës që ka ushtarë të saja në Kosovë. Ushtarët tanë nuk janë të vendosur në veri të Kosovës, megjithatë kemi 65 ushtarë atje. Kemi për qëllim që të mbetemi dhe në të ardhmen të risim atë kontingjent që së bashku të kontribuojmë në sigurinë e rajonit. Nëse ne kontribuojmë në stabilitetin në Kosovë, me të cilën jemi fqinj të drejtpërdrejtë, kontribuojmë edhe për sigurinë dhe stabilitetin tonë”, tha Stevo Pendarovski, president i RMV-së.
Presidenti shtoi se vlerësimet e Aleancës janë se gjendja në Kosovë kohë pas kohë arrijnë në pikën e kulminacionit, megjithatë, fuqitë e Aleancës do të përforcohen që të mos lejohet de-stabilitet.